المساعد الشخصي الرقمي

مشاهدة النسخة كاملة : كل ماتــريـــد مــعرفــته عن دبلــوم التأهيــل التــربــوي


الصفحات : [1] 2

Bright Pearl
08-30-2010, 11:42 PM
السلام عليكم ورحمة الله وبركاته

لما تخرجت السنة الماضية من قسم اللغة الانكليزية بكلية الآداب العظيمة.. سمعت نصائح كتييييرة بتقلّي كمّلي دراسات عليا
ناس ينصحوني بالماجستيرات..
وناس ينصحوني بالدبلوم..
وأنا فتت بستين حيط..وما كنت ألاقي شي يهديني..

لهيك.. والحمدلله بعد ما هلأ تخرجت وأخدت الدبلوم..
حبيت أعطيكم كل شي معلومات وأجوبة عن التساؤلات اللي ممكن تخطر ببالكم عن دبلوم التأهيل التربوي..


أول شي..
بتمنى أي طالب عبيفكر بالدبلوم.. إنو يفكر لقدّام شوي..
هل رح تشتغل/ي بمجال التدريس.. أو التوجيه..
هل مفكر/ة إنو تسافروا خارج البلاد..للتدريس..؟؟؟
إذا كانت إجابتكم ..نعم.. فعليكم بدبلوم التأهيل التربوي..
أنا ما بدي أحط من قيمة الماجستير..
بس صدقوني.. الحمدلله معدلي كان جيد.. وكان ترتيبي عدفعتي رائع..بس مع ذلك فكرت بموضوعية شوي..
الماجستير مو معترف فيه برا سورية..(حسبما سمعت من مصادر عديدة)
وبنفس الوقت.. شهادة الدبلوم جدا جدا جدا مطلوبة
بالإضافة للخبرة يللي بتكتسبوها .. في زيادة 3% عراتب الأستاذ الحاصل على دبلوم التأهيل التربوي..
نقطة ثانية..* جميع المدارس الخاصة تشترط على الأساتذة عندها يكون معهم دبلوم تأهيل تربوي..
نقطة إضافية..* مارح ينحصر عملك بمجال تدريس الحلقات الأولى.. بل رح تدرّس شريحة الحلقة الثانية من التعليم الأساسي والتعليم الثانوي..

وطبعا الأفضلية في مسابقات تعيين المدرسين بتكون لحملة دبلوم التأهيل التربوي..

وطبعا الأفضلية لمسابقات تعيين موجهين تربويين بتكون لحملة دبلوم التأهيل التربوي..

هاد بالنسبة لأهمية الدبلوم...

سأعود بإذن الله مع قسم آخر من هذا الموضوع يللي بتمنى إنو يتثبّت.. عالأقل تفاديا للقدر الهائل من المواضيع يلي امتلأ القسم فيها وبكل واحد منها يوجد تساؤل واحد..

Bright Pearl
08-30-2010, 11:52 PM
..هلأ انتهينا من أول نقطة يللي هي التعريف بأهمية دبلوم التأهيل التربوي على أرض الواقع

ننتقل لنقطة ثانية..

التسجيل في دبلوم التأهيل التربوي..
بالنسبة للتسجيل فهو يبدأ بمفاضلة تعلنها كلية التربية..

يتقدم إليها الطلاب من الأقسام التي تحددها الكلية..

والأوراق المطلوبة للمفاضلة هي:
*ورقة غير موظف (بتقدروا تحصلوا عليها من مركز البريد بالجميلية).
*لاحكم عليه
*صور شمسية
*نشرة استعلامات توَزَّع من مبنى كلية التربية عند إعلان بدء التسجيل في المفاضلة

وبعد فترة يتم إصدار نتائج القبول في المفاضلة..
وطبعا يعتمد المعدّل المطلوب على مدى حاجة وزارة التربية لمدرِّسين مؤهّلين في قسم ما..

Bright Pearl
08-31-2010, 12:07 AM
هلأ بالنسبة لمواد الدبلوم...

في قسمين للمواد.. نظري وعملي
وطبعا طلاب الدبلوم مطالبين تحقيق نسبة دوام لا تقلّ عن 75% في الأقسام العملية
أما النظري فمو مطالبين بالدوام...

مواد الدبلوم باللغة العربية.. ومشتركة بين جميع الطلاب.. ماعدا مادة واحدة هي مادة الاختصاص.. ويدرسها كل قسم وحده في قاعات منفردة..
يعني طلاب الانكليزي بيدرسوا المادة بالانكليزي وطلاب الفرنسي بالفرنسي وطلاب التاريخ بيدسوها بما يتعلق باختصاصهم...وهكذا
هي المادة تبقى مستمرة طيلة الفصلين يعني مافي إلها فحص نصفي.. فقط فحص نهائي آخر العام..وهي من المواد العملية يللي ضرووووري تحضروها

باقي المواد العملية هي:
*القياس والتقويم (مادة عبارة عن رياضيات وكيفية حساب المعدلات والعلامات للطلاب وطرق الاختبارات والتقويمات) طبعا للمادة قسم نظري وقسم عملي.. والمطلوب حضوره هو القسم العملي

*تقنيات التعليم (مادة عبارة عن تعريف بوسائل التعليم وتقنياته منذ نشوئها وحتى دخول التكنولوجيا والمادة قسمين نظري وعملي ..المطلوب حضوره هو القسم العملي وفيه يُطالب الطلاب بتحضير وسائل تعليمية كل أسبوع..ويتم تقييمها من قبل الأستاذ المشرف وفي نهاية العام توضع فيما يسمى بالحقيبة التعليمية جميع أعمال الطالب طوال العام ويتم وضع علامة عليها)

*التربية العملية (هي المادة مافيها نظري بل هي مادة ممتعة ويتم فيها تقسيم الطلاب إلى فئات ولكل فئة موجه مشرف عليها حيث يتم التنسيق بين الطلاب والمشرف لإعطاء دروس في البيئة التعليمية الواقعية يعني في المدارس ثم يتم تقييم الطالب من قبل الموجه وزملائه الطلاب وفي نهاية العام يحصل الطالب على علامة على أعماله طوال العام)

هاد بالنسبة للمواد العملية

Galaxy
08-31-2010, 12:48 AM
مشكوورة كتير ع هالمعلومات الحلوة و انشالله بتحقي الي ببالك عن قريب
:others1:

Bright Pearl
08-31-2010, 01:46 AM
السلام عليكم مجدداً...

هلأ وصلنا لمواد الدبلوم النظرية..

هي عبارة عن المواد التالية ورح أعطي فكرة صغيرة عن كل مادة مع إنو مبين من أسماء المواد محتواها..

*علم النفس التربوي: بالنسبة للي دراستن أدبي.. فهالمادة كتيييييير شبيهة بمادة علم النفس بالفلسفة بالبكالوريا.. وللي دراسته كانت علمي بقله..بهالمادة في مبادئ علم النفس العام وعلاقة علم النفس العام بالتربية..ودراسة الشخصية ونظريات الشخصية.

*أصول التدريس: مادة نظرية بحتة تقوم على تعريف التدريس والتعريف بأصوله ثم تأتي بمبادئ ونظريات التدريس.

*التربية العامة: تشمل التربية العقلية/التربية الجسدية/التربية الأخلاقية/التربية الاجتماعية/التربية القومية/العوامل المؤثرة في التربية/أنواع التعليم.

*فلسفة التربية: بالنسبة للفرع الأدبي: هالمادة شبيهة بمادة الأخلاق في فلسفة البكالوريا.
أما الفرع العلمي..فهي المادة هي عبارة عن تطور الفلسفة وفلسفة التربية من أفلاطون حتى البراغماتية.

*الصحة النفسية: كمان هالمادة شبيهة بعلم النفس العام. مادة حلوة بتحكي عن التكيف أو سوء التكيف, الصراع وأنواعه, االآليات الدفاعية. بالإضافة لنظريات الشخصية.

*علم نفس الطفولة والمراهقة: واضح من الاسم.

*التربية المقارنة: عبارة عن آليات المقارنة بين النظام التربوي الموجود في بلد.. ونظام تربوي آخر في بلدان أخرى.. وبيحكي بالتفصيل عن النظام التربوي بعدة بلدان منها فرنسا/انكلترا/أميركا/اليابان/الهند/الصين/ألمانيا

*تقنيات التعليم: طبعا القسم النظري بيحكي عن الوسائل التعليمية من ناحية نظرية

*القياس والتقويم:القسم النظري منها بيحكي عن طرق التقويم وآليات القياس,وأنواعه.

*المناهج: تحكي عن تطور مفهوم المنهاج بين القديم والحديث..أقسام المنهاج..أنواعه..

أنا عبحكي من تجربة شخصية..لذلك أي شي بكون سهيت أو غفلت عنه بدون قصد بتمنى تذكروني فيه..
وبتمنى إذا في أي تساؤل تسألوني ولا تترددوا وأنا رح أحاول أجيبكم على قدر المستطاع..

Bright Pearl
08-31-2010, 01:55 AM
مشكوورة كتير ع هالمعلومات الحلوة و انشالله بتحقي الي ببالك عن قريب
:others1:

أهلين أخي...
شكرا وآآآآآآآآآآآآآآآمييييييييييييييين

لمار
08-31-2010, 04:15 AM
:emot112:شكراً كتير أختي الكريمة معلومات قيمة جدا والله يجزيك الخير
أنا عندي طموح أني ادرس دبلوم بس يمكن معدلي مايسمح بالتأهل للدبلوم لانو هو 67فما مابعرف الله يختار الخير
بس بدي اسأل اديش كان المعدل اللي طلبوه هديك السنة للارشاد ازا عندك معلومات عن هالموضوع بتمنى تجاوبيني ولك جزيل الشكر
:thinking1:

raef
08-31-2010, 10:45 AM
شكرا كتير كتير Bright Pearl اثلجلت صدري يعني أغمض عيني وروح عالدبلوم ؟كلامك واضح بس الكل وانا واحد منهم لم أفكر في الدبلوم يوما ما لكن اليوم وعند تخرجي بدأت النصائح تأتيني ان ادخل دبلوم وكمان كتير بيقولولي بضيع ماستر مشان دبلوم. الواضح ان الماستر افخم كأسم بسسسسسسسسسسسسسس ما بعرف انا ضايع متل ماكنت انت السنة الماضية .ودمتم بخير

nour2020
08-31-2010, 01:57 PM
شكرا كتير الك bright pearl بس انا عندي سؤال واحد الك انا كمان خريجة السنة الماضية ومعدلي كان 59.47 برايك انا بقبل دبلوم عادي ولا موازي يعني قبلو السنة الماضية متل معدلي ولا لأ لانو بصراحة عجبني الدبلوم اكتر من الماستر وناوية قدم عليه بس خايفة معدلي ما يساعدني فارجو مساعدتك لانو ماشاء الله عليك شفتك خبرة بموضوع الدبلوم

Bright Pearl
08-31-2010, 02:57 PM
:emot112:شكراً كتير أختي الكريمة معلومات قيمة جدا والله يجزيك الخير
أنا عندي طموح أني ادرس دبلوم بس يمكن معدلي مايسمح بالتأهل للدبلوم لانو هو 67فما مابعرف الله يختار الخير
بس بدي اسأل اديش كان المعدل اللي طلبوه هديك السنة للارشاد ازا عندك معلومات عن هالموضوع بتمنى تجاوبيني ولك جزيل الشكر
:thinking1:


ميييييية هلا..
هلأ على ما أذكر معدلات طلاب كلية التربية كانت عالية لهيك طلبوا معدلات عالية..بس عكل حال رح أتأكد أديش كان المعدل المطلوب لقسم الإرشاد وإن شاء الله رح أجاوبك بالتأكيد..
بس كنصيحة قدّمي.. يعني مارح تخسري شي..لأنو المعدل المطلوب صاير شغلة نسبية يعني إذا لازمن طلاب كتير من قسم الإرشاد فمارح يكون المعدل أعلى من هيك..

Bright Pearl
08-31-2010, 03:04 PM
شكرا كتير كتير bright pearl اثلجلت صدري يعني أغمض عيني وروح عالدبلوم ؟كلامك واضح بس الكل وانا واحد منهم لم أفكر في الدبلوم يوما ما لكن اليوم وعند تخرجي بدأت النصائح تأتيني ان ادخل دبلوم وكمان كتير بيقولولي بضيع ماستر مشان دبلوم. الواضح ان الماستر افخم كأسم بسسسسسسسسسسسسسس ما بعرف انا ضايع متل ماكنت انت السنة الماضية .ودمتم بخير


أهلا أخي..
رح أقلك شي..
أنا ما كنت طايقة شي اسمو دبلوم..وماكنت مقتنعة فيه أبدا وقت رحت أسجل..
حتى إني ما سجلت لآخر يوم..
كنت أول فترة أحضر مُكرهة.. ما كنت أستسيغ فكرة الدبلوم..
بس صدقني ما درست شي لوقت الامتحان والحمدلله نجحت وبمعدل جيد 68
وما حسيت إني كنت غلطانة برفضي للدبلوم غير وقت شفت اسمي مع الخريجين..صدقني فرحة كبيرة ما كنت أفكر فيها من قبل..

لهيك برجع بقلك.. هي المواد وأخدت فكرة عنها.. والدوام وبعتقد صار عندك فكرة واضحة عنه.. وحتى أهمية الدبلوم صار عندك فكرة وافية عنها.. لذلك هلأ الموضوع بيرجع إلك..
شوف أي كفة رح ترجح عندك.. وتوكل على الله .. وصدقني.. الدبلوم بإذن الله بينأخد والواحد مغمض عيونه..
بالنسبة للماستر .. قلتلك كمثال..كانعندنا طلاب آخدين ماجستير ترجمة وتعريب.. ومع ذلك مافادهم بشي.. لذلك قدموا على دبلوم التأهيل .. شوف.. وفكر.. ومية هلا لأي تساؤل..

Bright Pearl
08-31-2010, 03:10 PM
شكرا كتير الك bright pearl بس انا عندي سؤال واحد الك انا كمان خريجة السنة الماضية ومعدلي كان 59.47 برايك انا بقبل دبلوم عادي ولا موازي يعني قبلو السنة الماضية متل معدلي ولا لأ لانو بصراحة عجبني الدبلوم اكتر من الماستر وناوية قدم عليه بس خايفة معدلي ما يساعدني فارجو مساعدتك لانو ماشاء الله عليك شفتك خبرة بموضوع الدبلوم

مية هلا نور..
انتي خريجة أدب انكليزي؟؟؟
إذا كان هيك فهديك السنة قبلوا 65 عادي.. و61 بالنسبة للموازي..
بس مع ذلك.. هاد مابيمنع إنك تجربي حظك وتقدمي.. بيجوز هالسنة المتقدمين تكون معدلاتهم أقل..

Bright Pearl
08-31-2010, 03:12 PM
الذين يشاهدون محتوى الموضوع الآن : 6 ( الأعضاء 1 والزوار 5) Bright Pearl (http://www.ed-uni.net/ed/member.php?u=9401)

ياجماعة الزوار.. شو رأيكن تسجلوا معنا وتفيدونا وتستفيدوا معنا..:female2:

الأقرع
08-31-2010, 11:13 PM
بدي اسألك كم يوم بيستمر التسجل على الدبلوم لأني مسافر وبخاف يبدأ التسجيل وينتهي بسرعة وما أحسن أسجل

Bright Pearl
09-01-2010, 01:23 AM
أهلا أخي هالشي بعود لقرار الكلية بس السنة الماضية استمر التسجيل شهر

الأقرع
09-01-2010, 02:39 AM
شكرا عالرد السريع وعالتوضيحات اللي قدمتي بشكل عام عن الدبلوم

عبد العزيز الجفان
09-01-2010, 09:03 PM
بارك الله فيك
......

Bright Pearl
09-02-2010, 01:36 AM
أهلا أخي عبدالعزيز و أعتز بمرورك جدا

حسين الدروبي
09-02-2010, 01:45 AM
يسلمو ع الموضوع أختي برايت بيرل ....

ما بتعرفي شقد هالموضوع بيفيد كتير من الناس ....

وفّقكـ ِ الله ... و نتوقّع مواضيع أجمل منكـ ِ

بلقيس
09-02-2010, 07:33 PM
شكرا كتير على المعلومات ....ممكن سؤال حضرتك ذكرت ان الدبلوم يمنع من تقدم الطالب للماجستير ...
هدا الكلام ينطبق حتى على طلاب التربية ...يعني ممكن طالب اول سنة يقدم دبلوم بعدها ماجستير

Bright Pearl
09-02-2010, 10:39 PM
شكرا كتير على المعلومات ....ممكن سؤال حضرتك ذكرت ان الدبلوم يمنع من تقدم الطالب للماجستير ...
هدا الكلام ينطبق حتى على طلاب التربية ...يعني ممكن طالب اول سنة يقدم دبلوم بعدها ماجستير


أهلا أختي الكريمة.. أنا عني لم أذكر ذلك..
لكن كما هو الحال في نظام الكليات جميعها ممنوع الجمع بين الدبلوم والماجستير في نفس الوقت
طبعا ممكن لما يخلص الطالب واحد منهم يقدم عالتاني و بدون أي إشكال

شكرا على تثبيت الموضوع
وبتمنى ما تنسوني من الدعاء

raef
09-02-2010, 11:52 PM
اخت Bright Pearl بالاداب ما عم يعطونا اشعار تخرج أو كشف علامات لنسجل دبلوم أو ماجيستير شو الحل كيف سجلتوا السنة الماضية وشو كان الحل وشو تنصحينا نعمل مشان ما نروح السنة علينا عالفاضي جزاك الله خيرا

Bright Pearl
09-03-2010, 11:19 PM
مية هلا أخي؛؛
نحنا السنة الماضية صار معنا نفس الشي تماما؛ بس في ورقة اسمها إنهاء مقررات بتتضمن بيان لمعدلك؛ فيك تسأل عنها بشؤون الطلاب أو عند آذن العميد؛ وطبعا هي الورقة مقبولة للتسجيل في الدبلوم والماجستير؛ بس بنفس الوقت بتوقع تعهد بإحضار إشعار التخرج فور صدوره من الآداب

raef
09-04-2010, 12:03 AM
مشكورة كتير كتيرBright Pearl عندي كم سؤال لو سمحت
1- شو بفيدنا اذا كنا من اوائل خريجي الدبلوم التربوي
2- اذا حملنا مادة شو بيصير
3-هل نحن بحاجة للدراسة من الكتب ام المحاضرات بتكفي بتعرفي تعودنا على الانكليزي ورح يختلف الوضع
4- انا دخلت الجامعة ب25 واليوم عمري 29 هل يؤثر العمر باستفادتي من هذه الشهادة
5-خرج اخد ساعات من دون ما تأثر على دوامي بالتربية وانا سجلت على اساس سنة رابعة وبعدين تخرجت كيف بدي عدل وضعي لأنو بتفرق من طالب جامعي الساعة60 ل خريج 120 الساعة
وأسف جدا جدا على الطالة بس مو مشان شي مشان تكسب اجر وحسنات. والسلام عليكم

Bright Pearl
09-05-2010, 02:29 AM
مية هلا أخي ..ولايهمك

شو بفيدنا اذا كنا من اوائل خريجي الدبلوم التربوي


ممممممممم لك الأولوية في أن تكون موجه تربوي..والأولوية في التعيين إذا تقدمت لمسابقة تعيين المدرسين

اذا حملنا مادة شو بيصير


بتقدمها بالفصل التاني واذا رجعت حملتها بتقدمها بالدورة التكميلية

هل نحن بحاجة للدراسة من الكتب ام المحاضرات بتكفي بتعرفي تعودنا على الانكليزي ورح يختلف الوضع



أوكي رح تلاقي صعوبة بسيطة بالأول لأنو متعودين عالانكلش.. بس في مواد بدها من الكتب حصرا.. وفي مواد بيمشي حال المحاضرات وزياااادة ورح أفصلهن مع بداية الدوام بإذن الله

انا دخلت الجامعة ب25 واليوم عمري 29 هل يؤثر العمر باستفادتي من هذه الشهادة



لأ أبدا... كان معنا طلاب بال40

خرج اخد ساعات من دون ما تأثر على دوامي بالتربية

والله هي بترجع إلك إذا قدرت تنسق دوام الساعات مع الالتزام بحضور المواد العملية المطلوب حضورها

وانا سجلت على اساس سنة رابعة وبعدين تخرجت كيف بدي عدل وضعي لأنو بتفرق من طالب جامعي الساعة60 ل خريج 120 الساعة

مممممم هي بدك تسأل عنها بمديرية التربية...


بتمنى أكون قدرت أجاوبك.. وبعتذر عن أي سؤال جوابه ما كان وافي..

raef
09-05-2010, 10:54 AM
شكرا كتير كتير Bright Pearl الله لا يضيع لك تعب قولي أمين . على فكرة لسا ما خلصت اسئلة ورح طالع اسئلة نكشات حضري حالك . ودمتم بخير

delpiero
09-05-2010, 02:59 PM
الرجاء الرد بسرعة هل بدأ التسجيل على دبلوم التاهيل التربوي في جامعة حلب 2010 وشكرا

كليوباترة
09-05-2010, 06:26 PM
الرجاء الرد بسرعة هل بدأ التسجيل على دبلوم التاهيل التربوي في جامعة حلب 2010 وشكرا

أنا سألت شؤون الطلاب وقالولي مافي شي رسمي لـحتى 15 الشهر

صقر الحاوي
09-06-2010, 03:11 PM
السلام عليكم

إلى من يهمه الأمر.....

عندي استفسار بسيط وهو أنا فاضلت على دبلوم التأهيل التربوي في كلية التربية جامعة دمشق و كمان فاضلت عاى دبلوم التأهيل في حمص وهلأ والحمدلله طلعلي بكلية التربية بجامعة دمشق ... الإستفسار هو في مشكلة انو انا فاضلت بجامعتين علما انو رح اختار جامعة دمشق اكيد .
زودوني بكل ماعندكم من معلومات حول هذا الموضوع ولكم جزيل الشكر

raef
09-07-2010, 12:01 PM
مرحبا Bright Pearl سألوني زملائي وين في عنا دبلوم تربوي مفتوح بسورية انا بعرف ان في جامعة تشرين يوجد دبلوم مفتوح شو ممكن تفيدينا بالموضوع وشكرا

yellow
09-14-2010, 10:18 AM
اول شي شكرا على التوضيحات اللي عم تعطيها
وانا كمان عندي كم سؤال يمكن بكير عليهن بس مو شكلة اذا سألناهن
1-هل المواد جميعها مؤتمتة
2-ممكن تحددي اكتر شو هنن مواد الفصل الاول شو هنن مواد الفصل الثاني وشو هنن المواد اللي مالن فحص نصفي
3- الكمية اللي مناخدا بالمنهاج كبيرة
4-لازم الواحد يجتهد من الاول ولا بيمشي الحال اذا استنا لقبل الفحص بفترة (طبعا الواحد بفضل يلحق كل شي وينجح بالمواد ويجيب علامات وطبعا يستفيد من المواد ويضلوا معو وبذهنو مو بس درسن وخلص)
5- انت قلت (بالنسبة للتسجيل فهو يبدأ بمفاضلة تعلنها كلية التربية..
يتقدم إليها الطلاب من الأقسام التي تحددها الكلية( .. يعني في احتمال ما ياخدوا من قسم انكليزي
6-متى يبدا التسجيل (بصير عليه زحمة متل عنا بالاداب يعني بيتبهدل الواحد؟)
7- في أي تاريخ يبدا الدوام وينتهي
8-متى تكون ساعات الدوام خلال النهار هل الدوام كل يوم
9-في اكتر من شعبة مو؟
10-فيو الواحد يداوم باي شعبة حسب ما بيناسبو
-11الاساتذة حبابين ولا شريرين متل الاداب بيساعدوا الطلاب ولا لأ
12-التصحيح نظامي ولا مشكوك فيو
اخيرا شكرا كتييييييييير رح اعذبك بالاجابة

Bright Pearl
09-15-2010, 10:54 PM
أهلا بك
بالنسبة للأتمتة بس مادتين أتمتة وحدة أول فصل؛والتاني تاني فصل
أول مادة هي قياس وتقويم
والتانية علم نفس الطفولة والمراهقة

بالنسبة لمواد كل فصل رح حطن بعدين
بالنسبة للكمية ؛؛ أغلب المواد مطلوب فيا كل الكتاب وبيجوز يكون الكتاب 400صفحة؛ بس مابدها خوف لأنو قراءة وفهم بيمشي حالن

أكيد الدراسة من الأول بتلعب دور كبير بالنجاح؛بس عني؛ في مواد ماجبت كتبها ولاعرفت عنها لقبل الامتحان مباشرة


أكيد لأ مافي احتمال ماياخدوا انكليزي لأنو ببساطة الانكليزي جدا مطلوب بمدارسنا ومافين يستغنوا عن أساتذة مؤهلين بس طبعا العدد المطلوب بيختلف حسب الحاجة

هلأ أنا سمعت التسجيل عالمفاضلة بيبلش 15 هالشهر يعني امبارح؛بس عكل حال نازلة اليوم بإذن الله أشوف الوضع مع رفقاتي يلي رح يسجلوا


بيصير زحمة؟
أكيد شوية زحمة بس مابتجي قد طابور من طوابير الآداب


أي تاريخ يبدأ الدوام و ينتهي هاد بيرجع لقرار الكلية


ساعات الدوام؛ أنا قلت إنو بس في مواد مطلوب حضورها؛ أما الباقي اختياري؛ لأ مافي شعب؛ الكل شعبة وحدة لأنو مو كتار؛ هديك السنة كنا 240طالبة وطالب؛
بس وقت مادة الاختصاص الطلاب بيحضروا حسب اختصاصن

الأساتذة حسب ما شفت حبابين


التصحيح عادل جدا

Bright Pearl
09-16-2010, 09:17 PM
السلام عليكم...
اليوم رحت عالكلية وسألت شؤون الطلاب عن التسجيل على الدبلوم قالوا ما مبين شي لهلأ؛؛؛

بالنسبة لخريجي الدبلوم؛ قال قرار التخرج بده شهر ليوصل

محمد عبدالله
09-17-2010, 02:25 PM
ما شاء الله الاخت وايت بيرل عم تساعد كل الطلاب
الله يجعلو في ميزانك
بس حابب اسألك
سمعت انو في فحص مقابلة
انا معدلي 73 و نص في احتمال انو ارسب بهالفحص؟
و هالفحص بيعتمد على ايش؟

زورو
09-17-2010, 02:47 PM
شكرا لك اختي الكريمة على كل المعلومات عن دوبلوم التاهيل
بقدر انا جاوبك اخ محمد لاني انا طالب دوبلوم
بالنسبة لفحص المقابلة شكلية مااكتر اهم شي المعدل يعني بفحص المقابلة بركزو على النطق اذا في مشاكل بالنطق واذا في عاهات لاسمح الله
بس عموما المقابلة شكلية مااكتر وكل الناس ناجحين بس الحكي على المعدل

Bright Pearl
09-17-2010, 06:26 PM
ألف هلا أخ زورو

Bright Pearl
09-17-2010, 09:37 PM
طبعا بالنسبة للمقابلة..متل ماقال الأخ زورو..شكلية بس ليشوفوا إذا كان الطالب خال من العيوب النطقية أو الجسدية التي تمنع عمله كمدرّس..
والمقابلة تتم بعد نزول أسماء المقبولين في الدبلوم..وكل حدا حسب اختصاصه..

dewdrop
09-18-2010, 07:44 AM
مشكورة كتيررررررررررررر أختBright Pearl عنجد الله يجعلها بميزان حسناتك يا رب هلأ أنا تخرجت أدب انكليزي و عبسعى بماجستير الطرائق ة بدي سجل عالترجمة كمان بس الكلية عوفتنا حياتنا و كرهتنا شي اسمه ماجستير لذلك عبفكر بالدبلوم بس في اشاعة سمعتها و بعرف انك جاوبتي من قبل بس ارجوكي بدي اتأكد قال نحن طلاب الانكليزي الدبلوم لبعد الماستر يعني اذا يحقلنا ماستر بناخده اول شي بعدها اذا بدنا ينكمل دبلوم هلق الكلام مو منطقي ما هيك متحيل ,,,,,,و بدي اتغالظ عليكي عندي رفقة قدمو عالدورة الاستثنائية فينهن يقدمو شرطي عالدبلوم و في حال نجحوا بجيبوا اشعار تخرج او انهاء مقررات.......الله يجزيكي الخير يا رب و شكرا:others1:

Bright Pearl
09-18-2010, 06:35 PM
أهلا بالdewdrop (http://www.ed-uni.net/ed/member.php?u=10452)

الله يسلمك يارب...هاد واجبنا نقدم المساعدة ..
يا ستي هي إشاعة... لأنو أنا كان بيحقلي ماستر.. بس قدمت عالدبلوم.. الحمدلله تخرجت وماصار مشكلة..

بالنسبة للدورة الاستثنائية... والله الشغلة بدها نسأل شؤون الطلاب... هديك السنة قبلوا طلبات شرطية للكليات يلي عطت طلابها ورقة إنهاء مقررات..بس للأسف بالآداب ماعطوهن هالورقة هديك السنة.. لذلك راح التسجيل عليهن
بتمنى تكون الفكرة واضحة
وأي استفسار أنا جاهزة..

dewdrop
09-19-2010, 05:16 AM
شكرا كتير عزيزتي Bright Pearl الله يجزيكي الخير و ناطرين تخبرونا بموعد التسجيل بس تحدد موفقين

Galaxy
09-19-2010, 12:53 PM
انا اليوم كنت بالكلية وقال لسا مو مبين ايمت موعد التسجيل ع الدبلوم
استنوا شوي لحتى يصير التسجيل مع موعد الفحص:sleeping1:

أحمد شادي
09-19-2010, 02:03 PM
اول شي مشكورة كتير على هالمبادرة القيمة
وتاني شي بالنسبة لدوام العملي هل يكفي يومين بالأسبوع؟

Ma7moud
09-20-2010, 12:33 AM
مرحبا هي أول مشاركة لألي في المنتدى .. انا كان عندي سؤال واحد بس الموازي كان 50 ألف مو لا أكتر ؟

Bright Pearl
09-20-2010, 11:52 AM
أخي أحمد شادي.. عالأغلب بيكون يومين أو 3 ايام

أخي محمود..أهلا بك في المنتدى.. الموازي 25 ألف مو 50..

محمد عبدالله
09-20-2010, 12:45 PM
انسة برايت بيرل
عنابكلية الاداب عم يعطونا ورقة انهاء مقررات ما عليها معدل
بيمشي حالها!!!!!!!!!!!!!!
و مشكورة سلفا على الاجابة

Bright Pearl
09-20-2010, 07:01 PM
لأ ما بيمشي الحال...
لازم تطلب تبيين المعدل عليها..

زورو
09-21-2010, 08:45 PM
شلونك يازميلتي مشكور تعبك وجهدك والله يجزيكي كل خير
بس ممكن سؤال
في شي مواد للدوبلوم للدورة الاستثنائية نزلت؟
خصوصا ماادة طرائق التدريس
مشكورة يازميلة

Ma7moud
09-21-2010, 11:16 PM
شكراا كتير الك انسة والله كتير عم نستفيد

yellow
09-22-2010, 03:53 PM
شكرا كتير ع المعلومات ياللي عم تفيدينا فيها
-عندي استفسار انت قلت ما بتصير ورقة انهاء المقررات طب شلون سجلتوا السنة الماضية يمكن انتوا بلش التسجيل قبل هلأ مو طب شو عملتوا
-مو قلتوا انو بصير التسجيل الشرطي اذا بصير شو الورقة المطلوبة
شكرا كتيررررررررر الك برايت بيرل

Bright Pearl
09-22-2010, 08:11 PM
شلونك يازميلتي مشكور تعبك وجهدك والله يجزيكي كل خير
بس ممكن سؤال
في شي مواد للدوبلوم للدورة الاستثنائية نزلت؟
خصوصا ماادة طرائق التدريس
مشكورة يازميلة


مية هلا...
والله ماعندي فكرة إذا نزل مواد بس أكيد أول ماينزلوا رح ينزلوا عالموقع فورا

Bright Pearl
09-22-2010, 08:12 PM
شكراا كتير الك انسة والله كتير عم نستفيد


ياهلا...أي استفسار بقدر أساعد فيه أنا جاهزة

Bright Pearl
09-22-2010, 08:16 PM
شكرا كتير ع المعلومات ياللي عم تفيدينا فيها
-عندي استفسار انت قلت ما بتصير ورقة انهاء المقررات طب شلون سجلتوا السنة الماضية يمكن انتوا بلش التسجيل قبل هلأ مو طب شو عملتوا
-مو قلتوا انو بصير التسجيل الشرطي اذا بصير شو الورقة المطلوبة
شكرا كتيررررررررر الك برايت بيرل

ورقة إنهاء المقررات بتصير بس لازم يبينولك فيها المعدل..ونحنا هديك السنة هيك عملنا
بالنسبة للتسجيل الشرطي فغير مقبول...

زرقاء اليمامة
09-23-2010, 05:57 PM
شكراً كثيراًلك على هذه المعلومات الرائعة التي كنت أبحث عنا ولكن عندي لك سؤال لو سمحتي كم يوم علينا أن نلتزم الدوام به بصراحة أنا بحاجة لمعرفة ذلك لأنني سأدرس هذا العام حتى استطيع تنظيم وقتي وشكراً لك جداً

حسين الدروبي
09-23-2010, 06:52 PM
طلب آنسة برايت بيرل :

ممكن بس بيحددو موعد الدبلوم .... أرجو أن تنزلي موضوع خاص يبين المعدل و موعد المقابلة و هالشغلات ....

يعني كل التفاصيل

و لكــ ِ جزيل الشكر

Bright Pearl
09-23-2010, 09:16 PM
شكراً كثيراًلك على هذه المعلومات الرائعة التي كنت أبحث عنا ولكن عندي لك سؤال لو سمحتي كم يوم علينا أن نلتزم الدوام به بصراحة أنا بحاجة لمعرفة ذلك لأنني سأدرس هذا العام حتى استطيع تنظيم وقتي وشكراً لك جداً


أول فصل......3 أيام

وتاني فصل....يومين

Bright Pearl
09-23-2010, 09:18 PM
طلب آنسة برايت بيرل :

ممكن بس بيحددو موعد الدبلوم .... أرجو أن تنزلي موضوع خاص يبين المعدل و موعد المقابلة و هالشغلات ....

يعني كل التفاصيل

و لكــ ِ جزيل الشكر



أكيد بإذن الله...

Bright Pearl
10-01-2010, 08:53 PM
ياجماعة أنا الأربعاء كنت بالكلية...
للأسف لهلأ مو مبين شي مشان التسجيل أبدا أبدا على ذمة موظفي الشؤون..
وبالنسبة لخريجي الدبلوم.. قرار التخرج صار برئاسة الجامعة.. وقال شغلة 15 يوم بنقدر ناخد مصدقات التخرج إن شاء الله..

RED ROSE RORO
10-01-2010, 08:54 PM
شكرا كتيييير لمساعدتك الطلاب...

بس بدي اسال كم سؤال:

هلأ الدبلوم لكل الفروع ...يعني وحتى كلية التربية ؟؟؟


ويلي بكون معدلو عالي وبقدم دبلوم بيقدر بعدا يدرس بالجامعة أو الدبلوم ماباثر ...الماجستير هو اللازم للتدريس بالجامعة؟؟
أو بكفي يكون المعدل عالي بصير من دون ماجستير التدريس بالجامعة؟؟

وشكرا كتيييير بعرف أسئلتي مالا دخل بالدبلوم بس كنت حابة اعرف اذا عندك معلومات

m.balack
10-01-2010, 10:52 PM
شكرا كتير كتير كتير كتير كتير كتير كتير
بلوم التأهيل التربوي

.................................................. .................................................. ..............................
جديد التعليم المفتوح للعام 2010 - 2011 .. إدارة المشاريع الصغيرة والمتوسطة ودبلوم التأهيل التربوي
قرارات التعليم العالي

افتتحت جامعة دمشق برنامجين جديدين لنظام التعليم المفتوح اعتباراً من العام الدراسي الجامعي 2010-2011 ليرتفع عدد برامجه واختصاصاته إلى سبعة .

وبينت الدكتورة فاتنة الشعال نائب رئيس جامعة دمشق لشؤون التعليم المفتوح في تصريح لوكالة سانا اليوم أن البرنامجين الجديدين هما إدارة المشاريع الصغيرة والمتوسطة في كلية الاقتصاد والتجارة ودبلوم التأهيل التربوي في كلية التربية إضافة إلى البرامج السابقة للتعليم المفتوح .

ولفتت إلى أنه يمكن للطلاب الراغبين في الالتحاق بهذين البرنامجين التقدم لمفاضلة التعليم المفتوح في الفترة مابين السابع والعشرين من أيلول الجاري ولغاية السابع من تشرين الأول القادم في المراكز المعتمدة للتسجيل .

ويوجد في نظام التعليم المفتوح بجامعة دمشق خمسة برامج هي الترجمة ورياض الأطفال والدراسات القانونية والدراسات الدبلوماسية والمحاسبة وبلغ عدد الطلاب المسجلين في التعليم المفتوح بجامعة دمشق خلال العام الدراسي الماضي أكثر من 70 ألف طالب وطالبة .

يشار إلى أن جامعة دمشق أعلنت أمس الأول مفاضلة القبول في نظام التعليم المفتوح ومفاضلة خاصة لذوي الاحتياجات الخاصة وأخرى للطلاب العرب والأجانب ويبدأ تقديم طلبات التسجيل لهذه المفاضلات اعتبارا من 27 أيلول الحالي ولغاية السابع من تشرين الأول القادم .

2010-09-25 15:35:51
عدد القراءات: 225
المصدر: عكس السير
هادا القرار بتدور حواليه كتير اسئلة :
1\هل هو بجامعة دمشق بس و لا غيرها من الجامعات
2\شقد قسطو | أغلا و ألا ارخص من لافتراضي |
3\ شهادتو معترف عليها متل النظامي أو الموازي .

اسألتي الاخرى :
باشرالتسجيل ع دبلوم التأهيل بجامعة حلب وألا لسه
بالنسبة لألي أنا سألت اشخاص ونصحوني بدبلوم التأهيل \نظامي , موازي , مفتوح :, افتراضي \ أكتر من ماستر الترجمة وبفيد بالعقود للخليج

m.balack
10-01-2010, 10:53 PM
مشكوووووووووورةع الرد سلفا

dreamland360
10-02-2010, 09:12 PM
السلام عليكم
متى سيبدأ التسجيل على دبلوم التأهيل التربوي
الله يعطيكم العافية أنا من محافظة الحسكة
تعملوا معروف إذا خبرتونا لأنو الطريق طويل كثير من الحسكة إلى حلب
و مشكوريييين

abo alfedaa
10-02-2010, 09:25 PM
الذين يشاهدون محتوى الموضوع الآن : 15 ( الأعضاء 3 والزوار 12) abo alfedaa* (http://www.ed-uni.net/ed/member.php?u=38), dreamland360 (http://www.ed-uni.net/ed/member.php?u=11342), hiba11 (http://www.ed-uni.net/ed/member.php?u=11076)


يا زائر يا حلو سجل و ورجينا اسمك الحلو

^_^

Bright Pearl
10-02-2010, 10:51 PM
شكرا كتيييير لمساعدتك الطلاب...

بس بدي اسال كم سؤال:

هلأ الدبلوم لكل الفروع ...يعني وحتى كلية التربية ؟؟؟


ويلي بكون معدلو عالي وبقدم دبلوم بيقدر بعدا يدرس بالجامعة أو الدبلوم ماباثر ...الماجستير هو اللازم للتدريس بالجامعة؟؟
أو بكفي يكون المعدل عالي بصير من دون ماجستير التدريس بالجامعة؟؟

وشكرا كتيييير بعرف أسئلتي مالا دخل بالدبلوم بس كنت حابة اعرف اذا عندك معلومات

ياأهلين ومرحبتين...
الدبلوم لل..أدب الانكليزي-الأدب العربي-الأدب الفرنسي-الفلسفة-التاريخ-الجغرافية-علم الاجتماع-الاقتصاد-الشريعة-الفيزياء-فرع من فروع الكيمياء-الرياضيات-العلوم-وطبعا فروع كلية التربية) وبعتذر إذا نسيت فرع

هلأ بالنسبة للدبلوم فمابيخولك تدرّسي بالجامعة.. لأنو المطلوب هو الماستر..( طبعا بالآداب وباقي الكليات ومابعرف إذا التربية نظامها غير)

وطبعا بالنسبة للتدريس بالجامعة بده معدل عالي وهيك فيكي تاخدي ساعات بالجامعة بس مو إنو نصاب كامل

Bright Pearl
10-02-2010, 10:54 PM
هادا القرار بتدور حواليه كتير اسئلة :
1\هل هو بجامعة دمشق بس و لا غيرها من الجامعات
2\شقد قسطو | أغلا و ألا ارخص من لافتراضي |
3\ شهادتو معترف عليها متل النظامي أو الموازي .

اسألتي الاخرى :
باشرالتسجيل ع دبلوم التأهيل بجامعة حلب وألا لسه
بالنسبة لألي أنا سألت اشخاص ونصحوني بدبلوم التأهيل \نظامي , موازي , مفتوح :, افتراضي \ أكتر من ماستر الترجمة وبفيد بالعقود للخليج


ياهلا فيك..
هالقرار نزل بالنسبة لجامعة دمشق..بحلب ماافتتحوا شي لسى
بعتقد هالشي بينفي باقي الأسئلة..
أسئلتك الأخرى:
بجامعة حلب لسى مابلش التسجيل..
فيك تقرأ بداية الموضوع ورح تعرف تقرر ماستر أو دبلوم
ومية هلا بأي استفسار

Bright Pearl
10-02-2010, 10:56 PM
السلام عليكم

متى سيبدأ التسجيل على دبلوم التأهيل التربوي
الله يعطيكم العافية أنا من محافظة الحسكة
تعملوا معروف إذا خبرتونا لأنو الطريق طويل كثير من الحسكة إلى حلب

و مشكوريييين



يامية مليون هلا..
لسى ما صدر شي..
ولايهمك أخي انت ابقى على تواصل مع منتدانا ورح تشوف ايمتى رح يبدأ التسجيل

Bright Pearl
10-02-2010, 10:57 PM
الذين يشاهدون محتوى الموضوع الآن : 15 ( الأعضاء 3 والزوار 12) abo alfedaa* (http://www.ed-uni.net/ed/member.php?u=38), dreamland360 (http://www.ed-uni.net/ed/member.php?u=11342), hiba11 (http://www.ed-uni.net/ed/member.php?u=11076)


يا زائر يا حلو سجل و ورجينا اسمك الحلو

^_^


اي والله معك حق..:emot112:

ميمونة
10-03-2010, 10:10 AM
صدر اليوم اعلان الدبلوم التسجيل من اليوم حتى يوم الثلاثاء
لا بتلحقوا لا ما بتلحقوا

Bright Pearl
10-03-2010, 12:45 PM
صدر اليوم اعلان الدبلوم التسجيل من اليوم حتى يوم الثلاثاء
لا بتلحقوا لا ما بتلحقوا


بنتأكد وبتخبركم

dreamland360
10-03-2010, 05:04 PM
صحيح الخبر انو بلش التسجيل عا دبلوم التأهيل و لا لا
ومشان دبلوم التأهيل للتعليم المفتوح كم هي الرسوم
وهل الدوام ضروري
جزاكم الله كل خير
:yes1:

m.balack
10-03-2010, 09:31 PM
very nice >>>>>>>>>>>>>>>thanxxxxxxxxxxxxxx for your efforts

ميمونة
10-04-2010, 08:07 AM
الاعلان نازل برئاسة الجامعة جنب شباك معاون المدير ، بس ما في شيء بكلية التربية ومالن خبر بشيء
وبالرئاسة عبقولو ما رح يقبولو خريجي الاستثنائية وبالتربية عبقواوا أنو رح يقبلون
يعني الدنيا شوربة

Bright Pearl
10-04-2010, 02:55 PM
وهي صدر إعلان بدء التسجيل عالدبلوم.. موفقين يارب
مع العلم إنو عدد الطلاب المقبولين هالسنة 240 طالب متل السنة الماضية

Bright Pearl
10-04-2010, 03:08 PM
شروط القيد في دبلوم التأهيل التربوي


أولا : عدم السماح بالجمع بين دبلومات التأهيل التربوي والتخصص في الترجمة والتعريب والدراسات العليا.
ثانياً : 1"_ أن يكون طالب الانتساب حاصلاً على الإجازة من إحدى جامعات الجمهورية العربية السورية أو على درجة معادلة من كلية أو معهد معترف بهما من مجلس الجامعة
الإجازة في الآداب باختصاصاتها كافة.
· الإجازة في العلوم باختصاصاتها كافة.
· الإجازة في التربية باختصاصاتها كافة .
· الإجازة في علم النفس باختصاصاتها كافة.
· الإجازة في الهندسة باختصاصاتها كافة.
· الإجازة في التربية الموسيقية .
· الإجازة في الموسيقى (من المعهد العالي للموسيقى).
· الإجازة في الفنون الجميلة.
· الإجازة في التربية الرياضية.
· الإجازة في التمريض.
· الإجازة في الشريعة .
· الإجازة في العلوم السياسية .
· الإجازة في الاقتصاد .
· الإجازة في الاقتصاد المنزلي
2"- أن يواظب على الدراسة ويحقق نسبة الدوام المطلوبة على ألاّ تقل عن 70% من مجموع الساعات المقررة، وإلاحرم من دخول الامتحان .
3"- أن لا يكون مسجلاً في كلية أخرى .
4"-أن لا يعوقه في تكوينه الشخصي عائق عن الاضطلاع بمهنة التدريس والتزاماتها .
5"ً- أن ينجح فيما تجريه الكلية من اختبارات شخصية للتحقق من حسن استعداده لمهمة التدريس.
6"- يتم القبول حسب قواعد المفاضلة بين المتقدمين وفقاً لتسلسل معدلات التخرج في الدرجة الجامعية الأولى .
7"- يشترط في من يتقدم إلى دبلوم التأهيل التربوي (تعليم موازٍ) أن يكون عربياً سورياً أو من في حكمه.
8"- تقبل طلبات المتخرجين.
10"- لايحق للطالب الذي شطب قيده والمستننفد سابقاً في دبلوم التأهيل التربوي التقدم مرةً أخرى للمفاضلة
ثالثاً : الأوراق الثبوتية المطلوبة للتسجيل في المفاضلة:
1"- طلب تسجيل يلصق عليه طابع نقابة المعلمين بقيمة عشر ليرات سورية ، وطابع مالي بقيمة عشر ليرات.
2"- استمارة اجتماعية يحصل عليها الطالب من مركز التسجيل.
3"- صورة مصدقة عن وثيقة التخرج تتضمن المعدل العام والتقدير .
4"- ملء استمارة خاصة بدبلوم التأهيل التربوي يحصل عليها الطالب من مركز التسجيل .
ملاحظة /1/: الرسوم السنوية المطلوبة للتسجيل في التعليم الموازي الخاص بدبلوم التأهيل التربوي : 40000 أربعون ألف ليرة سورية.
وعلى الطلاب المقبولين : أن يستكملوا مراحل تسجيلهم، ويتقدموا ببقية الأوراق الثبوتية التالية خلال/15/يوما" من تاريخ إعلان أسماء المقبولين
أ-وثيقة الكشف الطبي تؤخذ من طبابة الجامعة . ب-/4/ صور شخصية قياس /4×6/
ملاحظة هامة لمن يحمل شهادة غير سورية :
يتقدم طالب الانتساب بالوثيقة الأصلية وكشف العلامات وصورتين مصدقتين عن كل منهما وذلك بعد تصديقهما من الجهات الرسمية أصولا ( وزارة خارجية البلد مصدر الشهادة ، الخارجية السورية ، سفارة الجمهورية العربية السورية في البلد مصدر الشهادة ) و أن ترفق بهما ترجمة باللغة العربية إن كانت باللغة الاجنبية إضافة إلى وثيقة النجاح في الشهادة الثانوية أو صورة مصدقة عنها
رابعاً:المثول أمام لجان اختبار القبول : على الطلاب المقبولون بنتيجة مفاضلة دبلوم التأهيل التربوي المثول أمام لجان اختبار القبول في كلية التربية للتحقق من حسن استعدادهم لمهنة التدريس ، على أن يحدد موعده لاحقاً بعد صدور النتائج.

raef
10-04-2010, 06:19 PM
بالاداب قال مسموح ان نفاضل على الدبلوم التربوي وماجستير التأهل والتخصص ونسجل بواحد ونتيجة الماستر رح تصدر قبل وبمجرد القبول بالماستر يشطب الاسم من مفاضلة الدبلوم التربوي بس بالتربية قال ما بصير تفاضل على الدبلوم التربوي والماستر مع بعض والا يشطب الاسم من الاثنين شوالحل ومين نصدق

Bright Pearl
10-04-2010, 08:26 PM
فاضل على ال2..
هديك السنة رفقاتي فاضلوا عال2
مافي مشكلة

foadlove
10-04-2010, 10:10 PM
لوسمحت ةبسرعة القصوي متى يبدأالتسحيل في دبلم التاهيل التربوي في نظام التعليم المفتوح في جامعة دمشق
وانا خريخ هندسة زراعة قسم استصلاح الاراضي فهل ممكن انو انقبل في الدبلم ولكم جزيل الشكر

raef
10-05-2010, 06:26 AM
شكرا Bright

raef
10-05-2010, 06:40 AM
بس مكتوب انو نسبة الدوام 70 بالمية يعني متل دوام الدراسات العليا تقريبا .مو بس الدوام حوالي يومين بالاسبوع و 70بالمية حكي على ورق والا شو أو يمكن في 5 مواد فقط فلذالك الدوام بشكل عام قليل ولو حقق نسبة 70 بالمية. وكمات اذا سجلت طرائق التدريس نظامي وقبلت فيه وكنت مسجل دبلوم نظامي وموازي وقبلت فيه هل استطيع استرداد المبلغ المدفوع على مفاضلة الدبلوم التربوي حتى سجل بالطرائق
.ما حدا عندوا جواب بالتربية مشكورة سلفا

Ma7moud
10-05-2010, 01:30 PM
طيب نحنا هلئ شو نسجل نظامي ولا نسجل موازي ولا ال2 مع بعض ؟؟؟
يعني الواحد ما بيعرف شقد معدلو لحتى يسجل موازي

raef
10-05-2010, 08:11 PM
طيب شو مشان التعهد الخطي بمفاضلة الدبلوم التربوي بان لا نتقدم لمفاضلة الدراسات بالتأهل والتخصص والدبلوم لأي جهة اخرى . بعدين انت اقنعتيني بالدبلوم بارك الله بك. بس البارحة في دكتور في قسم اللغة الفرنسية بمعهد اللغات قال لي ان طرائق التدريس يؤهل في تدريس كافة المراحل يعني اشمل من الدبلوم التربوي اللي بعتقد فقط حتى الثانوي لا اكثر وما بعرف شو الأفضل مشان الجامعات الخاصة هون وبالخارج أفيديني قبل ما افاضل لانني رح سجل دبلوم موازي كمان للضمانة علما ان معدلي 66 الا شوي .جزاك الله خيرا

نسر الشرق
10-05-2010, 10:40 PM
شكرا الك أختي عكل التفاصيل اللي ذكرتيها
بدي أسألك بنوب الاشعار الي محطوط عليه المعدل عن المصدقة ؟انا خريجة فصل تاني بس مصدقتي بدا كم يوم لاستلما...وانا بدي سجل وأخلص
كمان سؤال تاني يوم السبت في تسجيل ولاعطلة؟
واي ساعة بخلص التسجيل؟
وبالنسبة لخريجي الاستثنائية شو وضعن؟سمعت انو بيحسنوا يقدموا وراقن وبعدا اذا انقبلوا بيستكملون
يعني بس بيعطوا ورقة انهاء مقررات بدون معدل ؟في هيك شي؟
وشكرا الك مرة تانية

delpiero
10-06-2010, 07:34 PM
الرجاء الرد بأقصى سرعة هل بدأ التسجيل على دبلوم التأهيل التربوي لعام 2010 -2011 وشكرا:http://www.zahraaa.com/m/images/smilies/emot112.gifemot112:

raef
10-06-2010, 09:20 PM
نعم بدأ وسينتهي يوم 12 من الشهر الحالي

Ma7moud
10-06-2010, 11:16 PM
يعني انا بس سؤال لو سمحتو اذا فاضلت عالماجستير نظامي بس وفاضلت عالدبلوم نظامي وموازي وطلعلي ماجستير نظامي ودبلوم موازي شو بيصييير ؟؟ بكلي حذفولي التنين ورحنا بشربة مي
كل هاد لانو معدلي ما بعرفو

ابتسامة الصباح
10-07-2010, 02:21 PM
طيب نحنا هلئ شو نسجل نظامي ولا نسجل موازي ولا ال2 مع بعض ؟؟؟
يعني الواحد ما بيعرف شقد معدلو لحتى يسجل موازي

سجل ع الاتنين اذا مقتنع بالدبلوم وفي حال طلعلك عادي بتسترجع مبلغ الموازي(السلفة)
وبالتوفيق

ابتسامة الصباح
10-07-2010, 02:26 PM
شكرا الك أختي عكل التفاصيل اللي ذكرتيها
بدي أسألك بنوب الاشعار الي محطوط عليه المعدل عن المصدقة ؟انا خريجة فصل تاني بس مصدقتي بدا كم يوم لاستلما...وانا بدي سجل وأخلص
كمان سؤال تاني يوم السبت في تسجيل ولاعطلة؟
واي ساعة بخلص التسجيل؟
وبالنسبة لخريجي الاستثنائية شو وضعن؟سمعت انو بيحسنوا يقدموا وراقن وبعدا اذا انقبلوا بيستكملون
يعني بس بيعطوا ورقة انهاء مقررات بدون معدل ؟في هيك شي؟
وشكرا الك مرة تانية



طبعا اشعار تخرج وعليه معدل بنوب عن المصدقة
هلأ السبت عطلة مافي تسجيل
التسجيل بخلص ليخلص دوام الموظفين انا تقريبا خلصت ب 2 الضهر ولسه الموظفين كانو عبشتغلو
لايحق ابدا لخريجي الاستثنائية التقدم للدبلوم لأن بالشروط مكتوب هيك
بظن انو عبقبلو شرطي بس لخريجي الاساسية وليس للاستثنائية..

ابتسامة الصباح
10-07-2010, 02:33 PM
آخر يوم للتسجيل ع الدبلوم هو يوم الاثنين 12-10-2010

الفترة قصيرة يلي بدو يسجل يلحق حاله

Ma7moud
10-07-2010, 03:12 PM
سؤال كتير ضروري لو سمحتو التسجيل عالدبلوم بدو ورقة غير موظف ؟؟؟

Bright Pearl
10-07-2010, 09:23 PM
بالنسبة للتسجيل الأولي عالمفاضلة هلأ ماطالبين ورقة غير موظف..بس الأفضل إنك تجيبها في حال طلبوها مع الأوراق

Bright Pearl
10-07-2010, 09:26 PM
طيب شو مشان التعهد الخطي بمفاضلة الدبلوم التربوي بان لا نتقدم لمفاضلة الدراسات بالتأهل والتخصص والدبلوم لأي جهة اخرى . بعدين انت اقنعتيني بالدبلوم بارك الله بك. بس البارحة في دكتور في قسم اللغة الفرنسية بمعهد اللغات قال لي ان طرائق التدريس يؤهل في تدريس كافة المراحل يعني اشمل من الدبلوم التربوي اللي بعتقد فقط حتى الثانوي لا اكثر وما بعرف شو الأفضل مشان الجامعات الخاصة هون وبالخارج أفيديني قبل ما افاضل لانني رح سجل دبلوم موازي كمان للضمانة علما ان معدلي 66 الا شوي .جزاك الله خيرا



مع احترامي للدكتور يللي قال هالشي..
فيك تسأل بأرض الواقع بالتربية..وبكل مكان ممكن تدرس فيه..بالمدارس الخاصة..بمعاهد اللغات.. اسألهم شو طالبين.. وشوف شو رح يجاوبوك..

Bright Pearl
10-07-2010, 09:29 PM
أول شي شكرا ابتسامة الصباح عالمساعدة :)
تاني شي..
ياجماعة هديك السنة كان التسجيل عالماستر قبل التسجيل عالدبلوم..
وهالشي يؤدي لنتيجتين:
الأولى إنو ربما فعلا هالسنة يكون في مشكلة بالمفاضلة عالطرفين.. وهالشي فيكن تتأكدوا منه من شؤون الطلاب..
والتانية: إنو هالسنة عالأغلب رح تنخفض معدلات قبول الدبلوم لأنو كل الطلاب..بيركضوا وقد ماكان معدلهم للتسجيل عالماستر..

abo alfedaa
10-07-2010, 11:46 PM
في الإمتحان يكرم المرأ او يهان

وفي الدبلوم طالما انك خريج دورة تكميلية فأنت مهان سلفاً وبدون إمتحان


:thinking1:لما هذا يا شبّان ؟؟؟؟؟؟:thinking1:


ليش طالب الدورة المركزية يحق له ما لايحق لخريج دورة المرسوم


جئنا فرحين إلى الكلية نحمل اوراقاً نريد التسجيل في الدبلوم

نفاجأ بالإعلان الذي يقول لن يتم قبول المتخرجين في الدورة التكميلية



هل خريج المركزية أكثر منّا علامةً وأعزّ معدلاً ؟؟؟!!

وشو العلة في عدم قبولنا نحن خريجي دورة المرسوم

حدا يجاوب

مع فائق إحترامي وتقديري

Bright Pearl
10-08-2010, 12:03 AM
في الإمتحان يكرم المرأ او يهان


وفي الدبلوم طالما انك خريج دورة تكميلية فأنت مهان سلفاً وبدون إمتحان


:thinking1:لما هذا يا شبّان ؟؟؟؟؟؟:thinking1:


ليش طالب الدورة المركزية يحق له ما لايحق لخريج دورة المرسوم


جئنا فرحين إلى الكلية نحمل اوراقاً نريد التسجيل في الدبلوم

نفاجأ بالإعلان الذي يقول لن يتم قبول المتخرجين في الدورة التكميلية



هل خريج المركزية أكثر منّا علامةً وأعزّ معدلاً ؟؟؟!!

وشو العلة في عدم قبولنا نحن خريجي دورة المرسوم

حدا يجاوب


مع فائق إحترامي وتقديري



صدقت في شكواك..لكنه حال الدنيا للأسف..
أكيد مابيفرق طالب الدورة المركزية عنكم بشيء..
بس القصة غريبة

abo alfedaa
10-08-2010, 12:17 AM
يالله سحبنا ورقة وطلعلنا حظ اوفر

عادي خيرها بغيرها

(^_^)

raef
10-08-2010, 08:46 AM
abo alfedaa ما تنسى الدبلوم التربوي المفتوح لأول سنة بحلب بالتربية نفسها اذا بدك

درة الفرات
10-08-2010, 12:42 PM
Bright Pearl (http://www.ed-uni.net/ed/member.php?u=9401)اخت

انا طالب ادب انكليزي خريج الدورة الفصلية الثانية معدلي 62.13 طبعا قدرت اجيبوا الحمد لله بس بدي اعرف انو بيطلعلي دبلوم تاهيل تربوي بحلب نظامي ولا موازي ؟

وبادلب شو بيطلعلي نظامي ولا موازي ؟؟

هل بامكاني التسجيل على ادلب من حلب ؟ بلا ما روح وارجع لادلب؟؟

ممكن تفاصيل والله يجزيكي الخير .
بأمان الله

Bright Pearl
10-09-2010, 08:08 PM
bright pearl (http://www.ed-uni.net/ed/member.php?u=9401)اخت

انا طالب ادب انكليزي خريج الدورة الفصلية الثانية معدلي 62.13 طبعا قدرت اجيبوا الحمد لله بس بدي اعرف انو بيطلعلي دبلوم تاهيل تربوي بحلب نظامي ولا موازي ؟

وبادلب شو بيطلعلي نظامي ولا موازي ؟؟

هل بامكاني التسجيل على ادلب من حلب ؟ بلا ما روح وارجع لادلب؟؟

ممكن تفاصيل والله يجزيكي الخير .
بأمان الله

مية هلا..
أول شي الأغلب وبنسبة 90% بيطلعلك موازي وليس نظامي
بإدلب بعتقد نفس الشي
إذا بدك تسجل بإدلب لازم تروح على إدلب..

Bright Pearl
10-09-2010, 08:10 PM
abo alfedaa ما تنسى الدبلوم التربوي المفتوح لأول سنة بحلب بالتربية نفسها اذا بدك


انت متأكد إنو في بحلب دلوم تأهيل تربوي بنظام التعليم المفتوح؟؟؟
القرار قال بجامعة دمشق وما ذكر جامعة حلب..
إذا عندك تأكيد ياريت تخبرنا..

raef
10-10-2010, 06:54 PM
http://i.aksalser.com/u100926/924011316.jpg إعلانات

وافق مجلس التعليم العالي على إحداث وافتتاح دبلوم تأهيل تربوي في نظام التعليم المفتوح بجامعة دمشق بدءاً من العام الدراسي 2010-2011 واعتماد لائحته الداخلية المرافقة و إحداث وافتتاح دبلوم تأهيل تربوي في نظام التعليم المفتوح بجامعة حلب بدءا من العام الدراسي 2010- 2011 واعتماد اللائحة الداخلية المطبقة على دبلوم التأهيل التربوي بجامعة تشرين .
وكما وافق المجلس على افتتاح برنامج المشروعات المتوسطة والصغيرة في التعليم المفتوح بجامعة دمشق بدءا من العام الدراسي 2010- 2011 واعتماد لائحته الداخلية المرافقة وافتتاح برنامج الإرشاد السياحي في التعليم المفتوح بكلية السياحة بجامعة البعث بدءا من العام الدراسي 2010- 2011 واعتماد لائحته الداخلية المرافقة .
وأقر المجلس معاملة أبناء الجالية الجزائرية المقيمين في سورية الذين يدرسون بالجامعات السورية معاملة ابناء الجالية السورية المقيمين في الجزائر الذين يدرسون في الجامعات الجزائرية من حيث الرسوم الجامعية وفق مبدأ المعاملة بالمثل ومعاملة الطلبة من ابناء الجالية العربية الليبية المقيمين في سورية الذين يدرسون في الجامعات السورية الحكومية معاملة الطلبة السوريين من حيث الرسوم الجامعية وفق مبدأ المعاملة بالمثل .
من جهة ثانية أقر مجلس التعليم العالي تسوية أوضاع الطلاب الذين تأخر إصدار نتائجهم أو الذين عدلت درجاتهم في الشهادة الثانوية دون التقدم إلى مسابقات واختبارات القبول في الكليات أو المعاهد التي تحتاج إلى مسابقة أو اختبار بقبولهم في الرغبة التي تخولهم درجاتهم في الشهادة الثانوية الالتحاق بها وفق الحدود المعلنة لنتائج المفاضلات وبغض النظر عن شرط المسابقة أو الاختبار .

raef
10-10-2010, 07:52 PM
أهلا Bright Pearl انتبهي للسطر التاني والتالت . بالنسبة لي انا دفعت موازي للدبلوم وبكرة رح كمل تسجيل و رح فاضل عالطرائق والترجمة فقط للتجربة لا غير . معدلي حوالي 66 بس شفت طلاب معدلاتهم ب 74و73و69و68 هاد اللي شفتوا بقى اللي ما شفتوا شقد في ما بعرف خايف ما يطلعلي حتى موازي وكون روحت الماستر والدبلوم كمان . ادعيلي . سلام

gentle
10-11-2010, 06:20 PM
أنا خريج عربي معدلي 68.85بس بدي أعرف بيطلعلي دبلوم عام وشكرا سلفاً

زورو
10-11-2010, 07:36 PM
ان شاء الله بيطلعلك انا معدلي كان 66السنة الماضية عربي وطلعلي

gentle
10-12-2010, 08:02 AM
شكراً كثيرا

yellow
10-12-2010, 02:29 PM
ممكن اعرف شأد بدا نتائج الدبوم لتطلع
مشكورين كتير

raef
10-12-2010, 03:25 PM
yellow القرار بيقول تصدر نتائج الماستر قبل الدبلوم وهاك قال لي الاستاذ احمد بازار معاون مدير الشوؤن بالرئاسة بس في موظف بشوؤن الطلاب بالتربية و من الواضح انو ما بيعرف شي قال مو شرط يمكن نطالع نتائج الدبلوم قبل الاداب بس حكيوا غير مقنع

Bright Pearl
10-13-2010, 08:58 AM
raef (http://www.ed-uni.net/ed/member.php?u=10316)

أول شي شكرا كتير لأنك نزلت قرار افتتاح دبلوم بنظام التعليم المفتوح
تاني شي الله يوفقك يارب..
بالنسبة لإنو مايطلعلك موازي .. مابعتقد لأنو قلتلك هديك السنة الموازي أخدوا 61

شهرازد
10-13-2010, 10:11 AM
شكرا على الرد السابق أنا سجلت عالدبلوم بورقة انهاء مقرارات بدون معدل وقبلوا كيف راح يكون الوضع بعدين واذا مشي الحال وجبت المعدل بعدين كيف راح عدل الوضع وخلص التسجيل وشكرا

dewdrop
10-13-2010, 10:12 AM
ممكن نعرف شو بيسألونا بالمقابلة و ايمتى بتصير بالأحرى شو رح يصير بعد ما سجلنا و مشكورة كتير عزيزتي Bright Pearl

HaBoOoShAa
10-14-2010, 01:53 PM
ايمتى المقابلة ياجماعة

درة الفرات
10-14-2010, 03:06 PM
بيصير الواحد يسجل بادلب وحلب على الدبلوم ؟؟؟(ممكن جواب) طيب في ناس عم يسجلوا ورفيقي واحد منهم قالللي بدي ادخل المغامرة واشوف ..

اليوم اتصلوا فيو كلية التربية من ادلب وقالولوا جيبنا معدلك يوم الاحد او الاثنين الصبح لانو الاثنين بانتهاء الدوام رح تطلع نتائج الدبلوم في ادلب !!!!

على الرغم من انو الموظف قاللوا لرفيقي هنن بعتوا فاكس لحلب مشان يبعتولهم المعدلات بس قاللوا الموظف روح جيبوا بايدك لعنا لانو قد تاخد الاجرءات وقت ويروح عليك التسجيل وامكانية القبول !!!!

لانو الاثنين الظهر رح تطلع النتائج ..

في حدى بيعرف طلاب سجلت بالكليتين وانعرفوا وشطبوا اسماهم ؟؟

Tenderhearted
10-16-2010, 03:11 PM
مرحبا يا شباب ...
هي أول مشاركه الي وبتمني تقبلوني بينكن... انا خريج انجليزي ومقدم عالماستر والدبلوم
-------------------------------
صديقي رائف أو raef كيفك وأنا بعرفك ها وحيكين سوا كتييير وقت التسجيل :others1:
--------------
بالنسبه لكلامك عن أن نتائج الماستر قبل الدبلوم فهو صحيح مئه بالمئه :emot112:
لأن هذه هو نص الاعلان اللي نزل تبع المفاضله .
.......................
بالنسبه لاستفسارك درة الفرات فكان مكتوب بنص الاعلان نفسو التالي::
ملاحظه: يتم التقدم الى دبلوم التأهيل التربوي في احدى كليتي التربيه وفي حال ثبوت تقدم الطالب الى الكليتين سيتم شطب اسمه من المفاضله.
فعالأغلب ما بصير ...
بالنسبه لموعد المقابله فأنا سألت الخميس بشؤون الطلاب قالولي شي عشر ايام .
بس شفت بلوحه الاعلانات تبع الدبلوم معلق برنامج الدوام تبع الدبلوم لهالسنه
بقا ياريت اذا حدا عندو معلومات جديده يخبرنا خصوصي الزميله Bright Pearl فهي أكيد خبرتا اكتر ...
وشكرا للجميع...
,,,,,,,

HaBoOoShAa
10-16-2010, 03:40 PM
بشكرك كتير عالشرح زميييل وخصوصا فيما يخص المقابلة

نسر الشرق
10-16-2010, 06:52 PM
شكرا كتير الكن
بدي أسأل ايمتى نتائج القبول؟؟
اذا ممكن الي جاب البرنامج ياريت ينزلنا ياه ضروري
والله يعطيكن العافية

Bright Pearl
10-17-2010, 11:20 AM
ممكن نعرف شو بيسألونا بالمقابلة و ايمتى بتصير بالأحرى شو رح يصير بعد ما سجلنا و مشكورة كتير عزيزتي bright pearl


المقابلة كتير حلوة خصوصا إذا كان دكتوركن هو الدكتور الرائع محمد غاوي

طبعا بعد صدور أسماء المقبولين بيحددولكن موعد لكل اختصاص مشان المقابلة
وبالنسبة للأسئلة
فأنا عن نفسي سألني الدكتور محمد غاوي..
شو اسمي..من وين أنا..ليش دخلت الدبلوم.. شو ترجمة كلية التربية..شو ترجمة دبلوم التأهيل التربوي.. طبعا كلو بالانجلش
وكل الطلاب كان عبيسألهن هيك أسئلة تقريبا

Bright Pearl
10-17-2010, 11:26 AM
مرحبا يا شباب ...
هي أول مشاركه الي وبتمني تقبلوني بينكن... انا خريج انجليزي ومقدم عالماستر والدبلوم
-------------------------------
صديقي رائف أو raef كيفك وأنا بعرفك ها وحيكين سوا كتييير وقت التسجيل :others1:
--------------
بالنسبه لكلامك عن أن نتائج الماستر قبل الدبلوم فهو صحيح مئه بالمئه :emot112:
لأن هذه هو نص الاعلان اللي نزل تبع المفاضله .
.......................
بالنسبه لاستفسارك درة الفرات فكان مكتوب بنص الاعلان نفسو التالي::
ملاحظه: يتم التقدم الى دبلوم التأهيل التربوي في احدى كليتي التربيه وفي حال ثبوت تقدم الطالب الى الكليتين سيتم شطب اسمه من المفاضله.
فعالأغلب ما بصير ...
بالنسبه لموعد المقابله فأنا سألت الخميس بشؤون الطلاب قالولي شي عشر ايام .
بس شفت بلوحه الاعلانات تبع الدبلوم معلق برنامج الدوام تبع الدبلوم لهالسنه
بقا ياريت اذا حدا عندو معلومات جديده يخبرنا خصوصي الزميله bright pearl فهي أكيد خبرتا اكتر ...
وشكرا للجميع...
,,,,,,,

أهلين ومية هلا..
بالنسبة للمقابلة فهي متل ماسبق وقلنا شكلية..
وحتى بالنسبة برنامج الدوام فمجرد ماتنزل أسماء المقبولين فيكن تداوموا عأساس البرنامج

yellow
10-18-2010, 04:23 PM
مسا الخير ويعطيكن العافية
مشان النتائج في احتمال يطلعوا هاد الاسبوع ولا راحت للاسبوع الجاي

raef
10-18-2010, 05:03 PM
في شؤون الطلاب واحد قال النتائج الاحد والتاني قال شي عشرة ايام

ابتسامة الصباح
10-18-2010, 08:23 PM
النتائج ع الأغلب يوم الأحد الجاي
وبالتوفيق للجميع

Bright Pearl
10-19-2010, 09:04 AM
ياجماعة لاتاكلوا هم..بس نزلوا النتائج رح نخبركم فورا بإذن الله

theangel2010
10-19-2010, 10:15 AM
من بعد إذنك أنا سجلت
عالدبلوم إيمتى النتائج
ولك جزيل الشكر مشرفتنا الغالية:others1:

ابتسامة الصباح
10-19-2010, 07:31 PM
النتائج ع الأغلب يوم الاحد الجاي

raef
10-20-2010, 08:33 AM
يا ستي انشاء الله الاحد بس مو معقول لاني نتائج ماجستيرات التأهل والتخصص لم تصدر بعد فيجب ان تصدر بداية ثم تصدر نتائج الدبلوم التربوي . والمشكلة انو بالاداب عندنا قلبهم بارد كتير

عمار77
10-22-2010, 06:54 PM
ايمتى موعد فحص الشفهي لطلاب التاهيل التربوي سنة اولى مفتوح وشكرا

Bright Pearl
10-22-2010, 09:40 PM
أول شي التأهيل التربوي سنة وحدة..
تاني شي..لسى ماتحددوا أسماء المقبولين بالمفتوح..
بس يحددوا أسماء المقبولين بيحددوا بعدها المقابلة

محمد عبدالله
10-23-2010, 04:05 PM
بس في عندي سؤال صغير للاخت برايت بيرل او لاي عضو عندو فكرة
و بتمنى الجواب السريع
انا قسم لغة انكليزية و مسجل عالدبلوم و ان شاء الله عالمضمون بيطلعلي
فسؤالي
بكرا في محاضرات؟
لانو البرنامج نزل الاسبوع الماضي فاذا في محاضرات بكرا بتمنى حدا يقللي
و بالنسبة للمواد
انا في عندي 3 مواد ما رح احسن احضرهن يللي هنن : اصول التدريس و التربية العامة و علم النفس التربوي
فهالشي بيأثر على فائدتي او على حقي بتقديم المادة؟
و شكرا سلفا

Bright Pearl
10-23-2010, 08:26 PM
بس في عندي سؤال صغير للاخت برايت بيرل او لاي عضو عندو فكرة
و بتمنى الجواب السريع
انا قسم لغة انكليزية و مسجل عالدبلوم و ان شاء الله عالمضمون بيطلعلي
فسؤالي
بكرا في محاضرات؟
لانو البرنامج نزل الاسبوع الماضي فاذا في محاضرات بكرا بتمنى حدا يقللي
و بالنسبة للمواد
انا في عندي 3 مواد ما رح احسن احضرهن يللي هنن : اصول التدريس و التربية العامة و علم النفس التربوي
فهالشي بيأثر على فائدتي او على حقي بتقديم المادة؟
و شكرا سلفا

أخي محمد.. حتى لو بكرا في محاضرات..مو مطالبين تحضروها لأنو أسماء المقبولين مارح تصدر لبكرا.. وبس تصدر فورا بيعلقوا وقت بداية الدوام ووقتها بتلتزم بحضور المحاضرات..
هلأ بالنسبة للمواد يللي مافيك تحضرهم.. إذا عندك مقدرة تدرسهم وحدك بدون ماتشوف ملاحظات الدكتور أو إعطاؤه.. فمافي مشكلة لأنو هدول مواد نظرية ومو مجبر تحضرهم..

Bright Pearl
10-23-2010, 08:28 PM
صار عندي فضول أعرف معدلك إذا مافيها إزعاج :)
وألف مبروك سلفا:emot112:

HaBoOoShAa
10-24-2010, 08:27 AM
نزلو اسماء المقبولين بالانكلش ولا لسا؟؟

H.B
10-24-2010, 08:53 AM
هايات شو صار بالنتائج يا جماعة

H.B
10-24-2010, 08:56 AM
معقول ما نزل شي لحد الان

نسر الشرق
10-24-2010, 05:11 PM
ألف مبروك لكل المقبولين والي مانقبل كله خير
بس ايمتى الدوام والمقابلة؟؟

raef
10-24-2010, 05:32 PM
اانا قبلت انكليزي موازي مبروك لي ولكل المقبولين

ابتسامة الصباح
10-24-2010, 05:49 PM
اسماء المقبولين موجودة على هاد الرابط

http://www.ed-uni.net/ed/showthread.php?t=23286

حلبي عايف التنكة
10-25-2010, 08:18 AM
بسم الله الرحمن الرحيم
انا من الادب الانكليزي

ياشباب انا اليوم اسودت الدنيا بوجهي
بس بدي افهم شغلة انو مو بالقرار الماستر بيطلع قبل الدبلوم
تاني شي مو على اساس الل بينجح بالماستر رح يشطبو اسمو من الدبلوم
انا شفت اسماء الدبلوم كلهم من اللي مسجليم بالماجستير
حدا عندو معلومات شلون الوضع بدو يصير لاني بيني وبين الاخير بالموازي 40 بالمئة
يعني ممكن اذا حدا انسحب من الدبلوم انو ينزلو له بديل اللي بعده
لاني نتائج الماجستير لم تصدر بعد

raef
10-25-2010, 01:29 PM
زميل حلبي عايف التنكة هاد الخبر اكيد . اللي مسجل ماجستير وقبل فيه وكان مسجل دبلوم ومقبول فيه ايضا يشطب من الدبلوم ويسجل ماجستير . اخباري موثوقة من معاون مدير شؤون الطلاب برئاسة الجامعة لا تاكل هم

Bright Pearl
10-25-2010, 06:09 PM
الدنيا فايتة ببعضها هالسنة .. يمكن لأنو الدبلوم والماستر حطوهن بنفس الوقت
ولأنو الطلاب مو عرفانين الله وين حاططهم..يعني المهم يدرسوا دراسات عليا.. سواء بحبوا التدريس أو مابطيقوه صاروا يسجلوا دبلوم تأهيل تربوي..
أنا بعتذر على هالكلام... بس فعلا سبب ارتفاع معدلات الدبلوم هالسنة هو إنو اللي مسجلين فيه مسجلين عحساب غيرهم من الناس يللي بيحبوا التدريس بس معدلاتهم متوسطة بعض الشيء..

بس بحب أبشر كل مين طلعلوا دبلوم وهو ماعنده فكرة أو خبرة أو محبة للتدريس..إنو مشوارك صعب جداً..

raef
10-25-2010, 09:37 PM
مسا الخير Bright Pearl والله يعطيك الف الف عافية انا قبلت موازي وكان اسمي قبل الاخير واليوم صار اسمي بالاخير وصار الوضع خطر ادعيلي

Bright Pearl
10-25-2010, 10:08 PM
أللللللللللللفففففف مبروووووووووووووووك أخي..
والله يوفقك ويثبتلك اسمك يااااااااااااااااااااارب

أحمد شادي
10-26-2010, 06:09 AM
س1:بالبرنامج، العملي مادتين تقنيات التعليم وقياس وتقويم....
التربية العملية شو هي؟
س2بالنسبة للبرنامج ثبت ولا في احتمال يتغير مشان نوازي مع دوام المدرسة؟
س3:المواد بالبرنامج عددهم 7 !!؟؟
ومبرووووك للجميع
وشكرا Bright Pearl

Bright Pearl
10-26-2010, 07:40 AM
س1:بالبرنامج، العملي مادتين تقنيات التعليم وقياس وتقويم....
التربية العملية شو هي؟
س2بالنسبة للبرنامج ثبت ولا في احتمال يتغير مشان نوازي مع دوام المدرسة؟
س3:المواد بالبرنامج عددهم 7 !!؟؟
ومبرووووك للجميع
وشكرا bright pearl

مية هلا..
تقنيات التعليم والقياس والتقويم هن مواد جزء عملي وجزء نظري..
يعني إذا حبيت تحضر العملي وتترك النظري مافي مشكلة..
*بالنسبة للبرنامج عالأغلب ثابت بإذن الله..
*التربية العملية هي عبارة عن تطبيق دروس في المدارس وبعد فترة بإذن الله يتم تقسيم الطلاب إلى فئات حسب الاختصاص ويكون هناك موجه مشرف عليكم.. ويتم التنسيق معه في اختيار المدارس..
*صحيح عددهم 7 فين المشكلة؟؟ طبعا هدول فصل أول بس..

gentle
10-26-2010, 03:54 PM
سؤال إلي بيعرف إيمتى المقابلة يخبرنا

raef
10-26-2010, 08:10 PM
ما تنسوا لسا في تعديلات بقسم الانكليزي في طلاب انقبلوا دبلوم بس احتمال كبير يقبلوا ماجستير ويروح محلهم بالدبلوم لطلاب ما كانوا قبلانين بالدبلوم بالاعلان المبدئي

شهرازد
10-27-2010, 11:11 AM
أول شي مبروك لكل المقبولين وأنا كمان تطلعلي دبلوم وعندي سؤال انا طلعلي بحلب فيني أنقل على الشام ولي لاوشكرا:yes1:

raef
10-27-2010, 11:56 AM
مبروك الك القبول شهرزاد .بالنسبة للنقل للشام لا اكيد لأني هي سنة وحدة والعدد محدود ومشان ماتاخدي محل غيرك .سألي اذا بدك قبل المقابلة .بالتوفيق

مالك.
10-27-2010, 12:51 PM
سؤالي هو أن أحدهم أخبرني عن أحد
المقبولين في الدبلوم و هو طالب في الدراسات العليا
في السنة الثانية قسم الأدبيات
فهل هذا من حقه ليس أخلاقا فهذا لا خلاف عليه
أنه لا يراعي حرمان غيره من هذا المقعد
و لكن قانونا
و هل يجب التبليغ عنه لينال قصاصه

حلبي عايف التنكة
10-27-2010, 05:16 PM
طبعا يا مالك بس بكرة بشوفك ومنحكي
وبقولو كمان انو تعلقت نتائج الماجستير

Bright Pearl
10-27-2010, 06:25 PM
سؤالي هو أن أحدهم أخبرني عن أحد
المقبولين في الدبلوم و هو طالب في الدراسات العليا
في السنة الثانية قسم الأدبيات
فهل هذا من حقه ليس أخلاقا فهذا لا خلاف عليه
أنه لا يراعي حرمان غيره من هذا المقعد
و لكن قانونا
و هل يجب التبليغ عنه لينال قصاصه

بالنسبة للتبليغ عنه فهاد حق كل طالب انحرم من الدبلوم بسبب هيك ناس بدون ضمير..

raef
10-27-2010, 09:30 PM
زميلة Bright Pearl هل صحيح ان مدة امتحانات الفصل الاول او التاني هي اقل من عشرة ايام . وشغلة تانية ,لا سمح الله اللي بيدخل تكميلية وانشاء الله ما منحتاجها هل نظام دخول التكميلية متل الجامعة اربع مواد او اقل . انا سمعت انو مادتين شرط للدخول بالتكميلية. وأخر شي انصحيني بمادة تكون صعبة وبدها شغل مشان بلش فيها و اين تباع الكتب .

أحمد شادي
10-28-2010, 07:10 AM
زميلة Bright Pearl انصحيني بمادة تكون صعبة وبدها شغل مشان بلش فيها .

لا هي الزميلة Bright Pearl بعد إذنها طبعا رح تعمل موضوع عن المواد ودراستها ودكاترتها وكل شي عنها....

كارلا دين
10-28-2010, 12:44 PM
يلي بيعرف شي عن المقابله يخبرنا والله يجزيكم كل الخير
وبدي اسـأل كمان ايمت الدوام الرسمي والدبلوم لازم نحضر كل محاضراتو ولا فينا نتخلى عن الحضور ؟؟

AHME
10-28-2010, 06:05 PM
ياشباب رجاء شديد بدنا اسماء المقبولين بادلب

ابتسامة الصباح
10-28-2010, 07:01 PM
يلي بيعرف شي عن المقابله يخبرنا والله يجزيكم كل الخير

وبدي اسـأل كمان ايمت الدوام الرسمي والدبلوم لازم نحضر كل محاضراتو ولا فينا نتخلى عن الحضور ؟؟


الاسبوع الجاي رح تزل قائمة نهائية بأسماء المقبولين في الدبلوم لأنو صار تعديلات بالقوائم..
وبعدها رح يتحدد موعد المقابلة وايمت رح يبدأ الدوام
مو كل المواد ضروري الحضور فيها في مواد بالقسم النظري مو ضروري الحضور فيا بس العملي اكيد ضروري الحضور

كارلا دين
10-28-2010, 11:14 PM
شكرا الك ابتسامة الصبح على الاجابة واي جديد بليز خبرينا
تحياتي الك

ابتسامة الصباح
10-29-2010, 12:52 PM
شكرا الك ابتسامة الصبح على الاجابة واي جديد بليز خبرينا
تحياتي الك

تكرم عينك أي جديد بصير رح خبركن فيو
والله يوفق الجميع

raef
10-29-2010, 02:49 PM
مرحبا . الاسماء النهائية للمقبولين بالماستر طلعت البارحة وانشاء الله الاحد أو الأثنين بتنزل القائمة النهائية للمقبولين بالدبلوم بقسم الانكليزي .

Bright Pearl
10-29-2010, 07:01 PM
السلام عليكم...

وحدة من رفقاتي راحت عالكلية وقالولها المقابلة يوم الأحد بس ماحددوا ايمتى...
لذلك.. أنا بنصحكم تروحوا تشوفوا الوضع يوم الأحد.. أنا بتعذر كنت بحب أفيدكم بهالنقطة بس للأسف الموضوع صاير شوربة.. ماحدا عرفان شي..

حلبي عايف التنكة
10-29-2010, 08:31 PM
طيب شلون الاحد ولسع مانزلو القائمة النهائية
بيجوز الاقسام ماعدا الاداب الاحد

knightofLight
10-29-2010, 08:45 PM
هلئ الاسماء نزلت والمقابلة شكلية يعني فيك تعمل المقابلة على الحالتين

Bright Pearl
10-29-2010, 09:32 PM
طيب شلون الاحد ولسع مانزلو القائمة النهائية
بيجوز الاقسام ماعدا الاداب الاحد


رفيقتي أدب عربي

HaBoOoShAa
10-30-2010, 10:23 AM
بليز بس تنزل القوائم النهائية تعلمونا

هاي املي الاخييييير

محمد عبدالله
10-30-2010, 11:19 AM
والله انا شايف أنو التأخير سببو كلية الاداب لانو باقي الكليات كلها جهزت اسماء المقبولين بالماستر
بس يا جماعة والله في ضغط على كلية الاداب
يعني ارحمو من في الأرض يرحمكم من في السماء

كارلا دين
10-30-2010, 01:49 PM
معك حق اخي محمد للأسف كلية الاداب متأخره بكلشي لك حتى المصدقات ما طلعت لهلأ
وايمت ما اجيت ع الموظفين مالهم فاضين حسبيا الله ونعم الوكيل

Tenderhearted
10-30-2010, 05:59 PM
انشالله النتائج النهائيه الأحد .....
هيك عحكي الموظفين

H.B
10-31-2010, 08:59 AM
:others1:يا شباب please حدا يجاوبنا انو نزلو القوائم النهائية اللي قالوا عنا , طيب و مقابلة الدبلوم العادي ما حددوا لسى معقول يعني المفتوح تحددت و نحنا لأ ويعطيكن ألف ألف عافية

محمد عبدالله
10-31-2010, 01:26 PM
أنا سألت اليوم قالولي انو الاسماء النهائية بكره رح يطلعو
الله يقدم يللي فيه الخير

مالك.
10-31-2010, 04:23 PM
الأحد 31-10-2010 كنت بكلية التربية
جاوب الموظف بشؤن الطلاب بكل حقارة
و كأنني أشحذ منه مالا أو أسخره لخدمتي
فقال بعد طول عناء
بكرى
بكرى
بكرى
بكرى
أخشى أن يأتيه يوم لا يستطيع فيه أن يقول بكرى
فماذا سيقول ؟ ؟ ؟ ؟ ؟ ؟ ؟

H.B
10-31-2010, 04:38 PM
مشكورين و الله يجزيكن الف خير و الله يهدي كل متخاذل بعمله وهاد كله رح يرجع عليه الله ما بينسى حدا

yousef4english
10-31-2010, 05:05 PM
زميلتي bright

ممكن استفسار عن مادة الاختصاص انكليزي شو وضعها

مشككككككككككككككورررررررررره

ابتسامة الصباح
11-01-2010, 07:46 AM
بالنسبة للقائمة النهائية فلسا مانزلت
انا امبارح بقيت بالكلية لآخر الدوام ومانزل شي

وبالنسبة للمقابلة رح يتحدد موعدها بعد ماتنزل القائمة

وانا ان شاء الله بس تنزل القائمة النهائية رح صورها وارفعها ع المنتدى بس بدنا نصبر لحتى تنزل.. لان اللكعة كلها ع الآداب ديما متأخرة

والقائمة النهائية للانكليزي مانزلت بس عبصير تعديلات وتغيرات لسه وبتتغير الاوراق لان الآداب لسه مابعتت الاسماء

وبالتوفيق للجميع يارب

كارلا دين
11-01-2010, 10:45 AM
قصدك حبيبتي ابتسامة الصبح اللكعه كلها على برودة همة الموظفين والاجراءات الروتينيه يلي عم تضيع الوقت

gentle
11-01-2010, 02:21 PM
إلي بدو يكسب أجر بس يخبرنا إيمتى المقابلة مع دعواتي إلو

ابتسامة الصباح
11-01-2010, 03:35 PM
إلي بدو يكسب أجر بس يخبرنا إيمتى المقابلة مع دعواتي إلو

أخ gentle بس يتحدد موعد المقابلة رح نحط الاعلان مباشرة بالمنتدى

وموعد المقابلة رح يتحدد بس تنزل القوائم النهائية

فلا تآكل هم بس ينزل الاعلان مباشرة رح خبركن

Tenderhearted
11-01-2010, 08:34 PM
والله هاد الروتين بدو يموتنا اخر الشي....:no1:
لأ وكل موظف بيحاكيك من روس مناخيرو تقول هو الوحيد اللي عميشتغل...
ونحن قاعدين على أعصابنا لك يقدرو أنو بايديهن مستقبل طلاب ....


سنظل صامدين حتى النهاية

yellow
11-02-2010, 11:17 AM
نزلوا القوائم النهائية اليوم الصبح

ابتسامة الصباح
11-02-2010, 11:49 AM
نزلون بس رجعو شالون كلن
وانا انتظرت تقريبا لآخر الدوام بس ما نزلو شي
لنشوف بكرى شو حيصير

Ma7moud
11-02-2010, 03:54 PM
اش هالتعديل هاد ؟؟؟ اش عم يضحكو علينا ؟؟؟ المعدلات ما ناقصة ولا جزء نفسن تقريبا

ابتسامة الصباح
11-02-2010, 03:59 PM
ياجماعة القوائم نزلت بالاول وعلقون برا الكلية بلوحة الاعلانات
واجى موظف وشالن سألتو ليش عبتشيلن قال مابعرف طيب ايمت بدن يتعلقو قال مابعرف
وانا انتظرت شي ساعة وما تعلقو

طلعو بالأخير معلقين جوا الكلية بس انا ما خطرلي ابدا انو بدن يتعلقو جوا
بكرى ان شاء الله بحاول اصورن وانزل
وألف مبروووووك لكل المقبولين

بالنسبة لموعد المقابلة فهي في محاضرة طرائق وتدريس وخلال الدوام
وبالنسبة للدوام رسميا ببلش من تاريخ اليوم الثلاثاء 2-11-2010

اما بالنسبة للأوراق المطلوبة للتسجيل:
1- صورة عن المصدقة الجامعية
2- صور شخصية عدد 4
3- صورة عن الهوية الشخصية عليها طابع مالي
4- مصنف سحاب
5- وثيقة غير مموظف
6- تعهد خطي + تصريح وطوابع 60 ليرة
7- استمارة توضيحية
8- استمارة اجتماعية

ويتم التسجيل اعتبارا من يوم الاحد 7-11-2010 ولمدة اسبوع

ويتم استرداد مبلغ الموازي 7-11-2010

H.B
11-02-2010, 08:21 PM
:female2:لا تواخذوني يا جماعة بس من باب الأحتياط هو بالبرنامج القديم كانت اصول التدريس اليوم الثلاثاء2\11 يعني مو معقول صار في مقابلة و دوام اليوم مو هيك. و الله يخليكن اهم شي البرنامج الجديد تنزلولنا اياه مشان نعرف ايمت المقابلة يعني هي المحاضرة ضلت بنفس اليوم و لا تغيرت و مشكورين سلفا.

ابتسامة الصباح
11-02-2010, 08:27 PM
:female2:لا تواخذوني يا جماعة بس من باب الأحتياط هو بالبرنامج القديم كانت اصول التدريس اليوم الثلاثاء2\11 يعني مو معقول صار في مقابلة و دوام اليوم مو هيك. و الله يخليكن اهم شي البرنامج الجديد تنزلولنا اياه مشان نعرف ايمت المقابلة يعني هي المحاضرة ضلت بنفس اليوم و لا تغيرت و مشكورين سلفا.

المقابلة بمادة طرائق التدريس وليس بمادة اصول التدريس

مادة طرائق التدريس هي مادة اختصاص بتختلف في كل قسم عن الآخر ولسه مانزلت بالبرنامج

لذلك لسه ما تحددت المقابلة ايمتى

H.B
11-03-2010, 09:02 AM
:others1:شكرا كتير ابتسامة الصباح. اسفة بس Bright Pearl ما ذكرت اسم هي المادة بين المواد. على كل حال بتشكرك ع التوضيح و يا ريت اذا صار دوام يوم الاربعاء او الخميس اذا ما فيها سقلة تردولنا خبر. وانشاء الله الاحد يبلش الدوام الفعلي ويخلصونا بقى:sad1:

ابتسامة الصباح
11-03-2010, 11:28 AM
السلام عليكم
انا اليوم كنت بالكلية ونزلت اليوم قوائم وزمر مادة التربية العملية وتقسمو لفئات

Bright Pearl
11-03-2010, 11:56 AM
:others1:شكرا كتير ابتسامة الصباح. اسفة بس bright pearl ما ذكرت اسم هي المادة بين المواد. على كل حال بتشكرك ع التوضيح و يا ريت اذا صار دوام يوم الاربعاء او الخميس اذا ما فيها سقلة تردولنا خبر. وانشاء الله الاحد يبلش الدوام الفعلي ويخلصونا بقى:sad1:

بزعل منك ها...
يعني تأكدي بعدين احكي ياأختي...
شو يبدو القصة محبوكة بين طلاب التربية!!!!

ماعدا مادة واحدة هي مادة الاختصاص.. ويدرسها كل قسم وحده في قاعات منفردة..
يعني طلاب الانكليزي بيدرسوا المادة بالانكليزي وطلاب الفرنسي بالفرنسي وطلاب التاريخ بيدسوها بما يتعلق باختصاصهم...وهكذا
هي المادة تبقى مستمرة طيلة الفصلين يعني مافي إلها فحص نصفي.. فقط فحص نهائي آخر العام..وهي من المواد العملية يللي ضرووووري تحضروها

Bright Pearl
11-03-2010, 11:57 AM
السلام عليكم
انا اليوم كنت بالكلية ونزلت اليوم قوائم وزمر مادة التربية العملية وتقسمو لفئات


مشكورة كتير عجهودك..:others1:

أحمد شادي
11-03-2010, 12:39 PM
؟؟؟؟؟؟؟؟؟
طيب شو الفرق بين التربية العملية وطرائق التدريس ؟؟؟؟

نسر الشرق
11-03-2010, 03:27 PM
ممكن تنزلوا البرنامج والقوائم العملية اذا سمحتوا
وبدي اعرف ايمتا داوم؟ في بكرا دوام؟؟
وشكرا الكن

آلاء
11-03-2010, 03:44 PM
بكرا مافي دوام (تفريغ)
القوائم العملية ما نزلت لكل الفروع

yellow
11-03-2010, 04:24 PM
بكرا مافي دوام (تفريغ)
ليش تغير البرنامج يللي نزل اول مرة

نسر الشرق
11-03-2010, 04:43 PM
شكرا الك آلاء
طب شو الفروع الي نزلت القوائم الن؟
ليش تغير البرنامج يللي نزل اول مرة
اي تغير...

آلاء
11-03-2010, 05:40 PM
ممم
مالي متذكرة كل الفروع
بس ادب عربي
وشريعة
ورياضيات
وعلم اجتماع

gentle
11-03-2010, 06:01 PM
إلي بيعرف شي جديد يخبرنا

ابتسامة الصباح
11-03-2010, 07:09 PM
هاد برنامج الدوام الجديد بدون مادة طرائق التدريس لأنو لسه عبنسقوها

درة الفرات
11-03-2010, 08:11 PM
سؤال هلئ اخر واحد بادلب قبلوه معدلوا بالادب انكليزي 62.51 ممكن يزيدوا العدد ؟؟

انا معدلي 62.13 ادب انكليزي .

Bright Pearl
11-03-2010, 09:23 PM
الفرق بين التربية العملية وطرائق التدريس هو إنو..
التربية العملية هي مادة مافيها مقرر تدرس منه..هي عبارة عن مادة عملية بشكل كامل...
يتم تقسيم الطلاب لفئات... وبإشراف موجه مختص بالمادة..
وبتكون عبارة عن تقديم دروس في المدارس بحضور الموجه وتقييم الأستاذ..

أما طرائق التدريس.. فهي مادة نظرية ..كل قسم بيدرس مقرر باختصاصه.. بيتعلق بموضوع طرائق التدريس..
وتمتد عبر الفصلين وامتحانها نهاية العام..

كارلا دين
11-03-2010, 09:46 PM
مشكوره حبيبتي ع المعلومات صراحه انا متلك كمان فتت بمية حيط
ناس تقلي شي سجلي دبلوم وناس تقول ماجستير
بس الحمد لله رب العالمين أذن الي الدبلوم والخيره فيما اختاره الله
شكرا الك مرة تانيه
تحياتي

نسر الشرق
11-03-2010, 09:59 PM
مشكورين كتيررر
بس هيك بصير عنا 8 مواد؟؟؟؟؟
يعني الاحد دوام رسمي ؟
والله يعطيكن الف عافية

ابتسامة الصباح
11-04-2010, 02:45 AM
مشكورين كتيررر
بس هيك بصير عنا 8 مواد؟؟؟؟؟
يعني الاحد دوام رسمي ؟
والله يعطيكن الف عافية

اي الاحد دوام رسمي

ابتسامة الصباح
11-04-2010, 02:48 AM
مشكورة كتير عجهودك..:others1:

ولو اهلا وسهلا Bright Pearl

H.B
11-04-2010, 07:26 AM
:thinking1:اسفة كتير بس كانو انفهمت غلط , انا كان اصدي انو ما ذكرت اسم المادة , على كل حال برجع بكرر اسفي بس ما تزعلي Bright Pearl بجوز انا ما انتبهت. يلله بقى ما بدنا انقضيا بيت فستق على فكرة انا مالي تربية انا انكليزي متلي متلك:yes1:

H.B
11-04-2010, 07:35 AM
صحي انسيت اتشكركن ع البرنامج شكرا كتتتتتتتتتتتتتتتتتتتتتتتتتتتتر وشكرا على توضيح الفرق بين المواد. اش بدكن تساوو بدكن تتحملونا شوي ما نحنا جدد و ما منعرف شي عن طبيعة الي داخلين عليه.

ابتسامة الصباح
11-04-2010, 07:42 AM
صحي انسيت اتشكركن ع البرنامج شكرا كتتتتتتتتتتتتتتتتتتتتتتتتتتتتر وشكرا على توضيح الفرق بين المواد. اش بدكن تساوو بدكن تتحملونا شوي ما نحنا جدد و ما منعرف شي عن طبيعة الي داخلين عليه.

اهلا وسهلا وميت السلامة

وانا طالبة جديدة بالديلوم بس انا مو انكليزي ههههه انا علم اجتماع

raef
11-04-2010, 08:00 AM
مرحبا زملاء بس بدي قول ياريت يضعوا ضمن قسم الدبلوم التربوي نفسه قسم خاص للمفتوح مشان مايصير خربطة وتنكتب مواضيع للنظامي وللمفتوح

H.B
11-04-2010, 10:32 AM
ميت السلامة و ع راسي حارتك يا خيت. كلنا اداب و الاداب للجميع. بس انا كنت بقصد Bright Pearl

أحمد شادي
11-04-2010, 01:25 PM
اليوم رحت عالبريد مشان ورقة غير موظف
بدها ليوم الخميس الجاي لحتى تطلع !!!!!!!!!

knightofLight
11-04-2010, 02:44 PM
اليوم رحت عالبريد مشان ورقة غير موظف
بدها ليوم الخميس الجاي لحتى تطلع !!!!!!!!!

هنن هيك بقولوا اذا حطيتها اليوم راجعهم يوم التنين بتكون طلعت

انا طالعتها صار 5 مرات خلال هي السنة

H.B
11-04-2010, 03:17 PM
هاد الحكي صحيح انا اقدمت عليها امبارحة الاربعاء و اليوم الخميس اخذتها. حسبي الله و نعم الوكيل اش بدنا نحكي كسل موظفين هنن هيك بيقولوا مشان يلكعوا العالم.

نسر الشرق
11-04-2010, 03:24 PM
وأنا نفس الحكي صار معي هنن هيك بقولوا..

Bright Pearl
11-04-2010, 08:46 PM
:thinking1:اسفة كتير بس كانو انفهمت غلط , انا كان اصدي انو ما ذكرت اسم المادة , على كل حال برجع بكرر اسفي بس ما تزعلي Bright Pearl بجوز انا ما انتبهت. يلله بقى ما بدنا انقضيا بيت فستق على فكرة انا مالي تربية انا انكليزي متلي متلك:yes1:

ع راااااااااااااااااااااااااااااااسي حارة الانكليزي.. وحارة التربية كمان... مشان ماتزعلوا..
وأنا مابزعل منكن ولو..:others1:

dew
11-05-2010, 09:45 AM
بليز شباب اللي ماانقبل امتى فيو يسحب المصاري من رصيد الجامعة ومرسي كتير

ابتسامة الصباح
11-05-2010, 11:43 AM
بعد تاريخ 7 - 11 -2010 فيك تسحب المصاري

نسر الشرق
11-05-2010, 11:28 PM
ممكن أعرف اديه رسوم التسجيل بالنسبة للطلاب النظامي؟

ابتسامة الصباح
11-06-2010, 08:24 AM
أظن 1600 ل.س على حد علمي

gentle
11-06-2010, 08:35 AM
بكرا في عملي

أن ماني من حلب مشان بعرف بجي ولا لأ

:emot154:أنا ماني من حلب مشان بعرف بجي ولا لأ

raef
11-06-2010, 09:11 AM
سؤال يا جماعة امتحانات الدبلوم امتى . في عالم بيقولو بالشهر الاول و غيرهم بيقولوا بالتاني

ابتسامة الصباح
11-06-2010, 09:46 AM
بكرا في عملي

حسب البرنامج بكرة مافي عملي
بس بجوز يصدف اجتماع فئتك بزمرة التربية العملية بكرة مابعرف

ابتسامة الصباح
11-06-2010, 09:59 AM
سؤال يا جماعة امتحانات الدبلوم امتى . في عالم بيقولو بالشهر الاول و غيرهم بيقولوا بالتاني

الامتحانات في الشهر التاني وحسب مابعرف انو كل الامتحانات بتكون خلال 10 ايام

gentle
11-06-2010, 01:26 PM
مشكورة أخت ابتسامة الصباح

raef
11-06-2010, 04:02 PM
ماشاء الله يا ابتسامة الصباح اللي بسمعك بيقول انت خريجة دبلوم شكرا كتير على المعلومات

ابتسامة الصباح
11-06-2010, 04:51 PM
اهلا وسهلا وميت السلامة

Bright Pearl
11-06-2010, 06:41 PM
ياجماعة بالنسبة لبرنامج الامتحان مافي شي محدد ولاتصدقوا أي إشاعة لحتى ينزل البرنامج فعلا..
هديك السنة كانوا يقولوا رح يصير بالتاني..رجعوا أكدوا إنو بالأول.. وتأكدوا إذا بالأول بيكون أفضل الكن.. لأنو بيكون مع طلاب الكلية وبيمددوا الأيام..
أما بالثاني فمابتتجاوز مدته الأسبوع...

أخت ابتسامة الصباح...ألف شكر إلك علهفتك ومساعدتك للطلاب... بس بتمنى تتأكدي من المعلومة قبل وضعها هون.. وإلك جزيل الشكر..

ابتسامة الصباح
11-06-2010, 07:57 PM
ياجماعة بالنسبة لبرنامج الامتحان مافي شي محدد ولاتصدقوا أي إشاعة لحتى ينزل البرنامج فعلا..
هديك السنة كانوا يقولوا رح يصير بالتاني..رجعوا أكدوا إنو بالأول.. وتأكدوا إذا بالأول بيكون أفضل الكن.. لأنو بيكون مع طلاب الكلية وبيمددوا الأيام..
أما بالثاني فمابتتجاوز مدته الأسبوع...

أخت ابتسامة الصباح...ألف شكر إلك علهفتك ومساعدتك للطلاب... بس بتمنى تتأكدي من المعلومة قبل وضعها هون.. وإلك جزيل الشكر..

أخت Bright Pearl
أنا ما بنزل معلومة غير متأكدة أو إشاعة
والامتحان انا متأكدة هديك السنة كان في الشهر التاني وما تجاوز ال 12يوم لان بالاول كان بس اسبوع بس بعدا الطلاب اعترضوا فصار حوالي 12 يوم...
وقبل هديك السنة كان الامتحان يكون تقريبا شهر
بس هديك السنة غيرو القرار وصار نفس نظام الدراسات العليا
وشكرا إلك اختي
وانا متأكدة من معلوماتي

Bright Pearl
11-06-2010, 10:00 PM
أخت bright pearl
أنا ما بنزل معلومة غير متأكدة أو إشاعة
والامتحان انا متأكدة هديك السنة كان في الشهر التاني وما تجاوز ال 12يوم لان بالاول كان بس اسبوع بس بعدا الطلاب اعترضوا فصار حوالي 12 يوم...
وقبل هديك السنة كان الامتحان يكون تقريبا شهر
بس هديك السنة غيرو القرار وصار نفس نظام الدراسات العليا
وشكرا إلك اختي
وانا متأكدة من معلوماتي


نحنا اعترضنا وما طلع شي من الاعتراض..
والامتحان ماكان أسبوع ..
أنا قدمت الامتحان وماعبحكي عن عبث...
أول شي الدكتور محمد غاوي حكى إنو تغيير نظام الامتحان يحتاج لتغيير لوائح الجامعة..
ولهلأ مافي شي ثابت
يعني مافي وقت محدد للامتحان..وبالتالي تحديدك للامتحان هذا العام إنو رح يكون بالشهر الثاني..حتى لو فعلا صار بالشهر الثاني..فهو معلومة غير مثبتة..
بتمنى تكون وضحت الفكرة...

نسر الشرق
11-06-2010, 11:38 PM
شكرا ابتسامة الصباح ولBright Pearl
عالمعلومات ...
وياريت توافونا بكل شي جديد:yes1:

ابتسامة الصباح
11-07-2010, 04:37 AM
نحنا اعترضنا وما طلع شي من الاعتراض..
والامتحان ماكان أسبوع ..
أنا قدمت الامتحان وماعبحكي عن عبث...
أول شي الدكتور محمد غاوي حكى إنو تغيير نظام الامتحان يحتاج لتغيير لوائح الجامعة..
ولهلأ مافي شي ثابت
يعني مافي وقت محدد للامتحان..وبالتالي تحديدك للامتحان هذا العام إنو رح يكون بالشهر الثاني..حتى لو فعلا صار بالشهر الثاني..فهو معلومة غير مثبتة..
بتمنى تكون وضحت الفكرة...

أنا ماحددت انو ضروري يكون في الشهر التاني
انا قلت هديك السنة كان في الشهر التاني وما كان اسبوع

كارلا دين
11-07-2010, 02:28 PM
مسا الخير انا اليوم كنت بالكليه وكان في دوام رسمي متل العاده
وقالوا انو الطلاب النظامي الهم امتحان بمادة طرائق التدريس وهالشي يوم الثلاثاء الجاي
بدي اسأل الامتحان شو بيضمن ؟؟ وهلأ هو امتحان؟؟ ولا مجرد مقابلة شفويه
طبعا يلي مستلم طرائق التدريس هو الدكتور انور حسب البرنامج
بليز يلي عندو اي معلومة يزودنا فيها

نسر الشرق
11-07-2010, 06:08 PM
كارلا دين
أنا اليوم عملت المقابلة بمادة طرائق وتدريس ...طبعا كل واحد حسب اختصاصه
نحن طلاب الفيزياء والكيمياء كانت اليوم مقابلتنا حسب البرنامج واستلمنا الدكتور رضوان
المقابلة كانت عبارة عن أسئلة حسب الاختصاص ...
سألني سؤال عن الكيمياء وبس ... يعني المقابلة شكلية
موفقين

ابتسامة الصباح
11-08-2010, 02:54 PM
اليوم حضرت بس آنسة سندس آخر محاضرة عملي قياس وتقويم واخدت التفقد

H.B
11-09-2010, 08:20 AM
كم غياب الواحد بيحقلوا بالعملي . سؤال صغير يعني الاسمو مو موجود في اجتماع زمرة التربية العملية ما عندو دوام هاد الاربعاء. يعني ما بتروح عليه حصة عملي, وشكرا.

ابتسامة الصباح
11-09-2010, 04:26 PM
الواحد بحقلو 3 غيابات بس بعد بنحرم من المادة

الزمر يلي مو نازلة يعني مالها اجتماع لسه وما عندا دوام

H.B
11-09-2010, 05:37 PM
شكرا كتيييييييييييييييييييير على الرد السريع كفيتي و فيتي

كارلا دين
11-09-2010, 07:44 PM
نسر الشرق
شكرا لردك
انا كمان اليوم عملت المقابلة عند الدكتور هيثم طلع مستلمنا لانه استلم طلاب علم الاجتماع
صراحه كنت خايفة بس متل ما قلت كانت شكلية
وان شاء الله التوفيق الك والي وللكل

نسر الشرق
11-13-2010, 01:13 AM
نسر الشرق
شكرا لردك
انا كمان اليوم عملت المقابلة عند الدكتور هيثم طلع مستلمنا لانه استلم طلاب علم الاجتماع
صراحه كنت خايفة بس متل ما قلت كانت شكلية
وان شاء الله التوفيق الك والي وللكل


الله يسلمك...والله يوفق الجميع

نسر الشرق
11-13-2010, 01:15 AM
Bright Pearl
ياريت تعملي موضوع مفصل عن كل المواد متل ماوعدتينا من حيث الدراسة وكل الامور المتعلقة فيها
وشكرا الك سلف :others1:

H.B
11-13-2010, 04:05 PM
اذا في حدا بيقدر يساعد ارجو الاجابة السريعة انا عم افهم من حكي الطلاب انو في ناس عملوا مقابلة و في ناس لسا هاد بيعني و كانوا ما في موعد رسمي الها يعني مثلا الطالب يللي ما رح يقدر يروح بكرا عالمحاضرة الساعة4:00 الاحد 14 -11-2010 ممكن يعملها فورا بعد عطلة العيد الاحد 21-11-2010 واذا في غلط بحكي يا ريت حدا يصححلي. سؤال صغيرون عم ياخدوا التفقد بهي الحصة طرائق التدريس اذا حدا عندوا ادنى فكرة. ولكم جزيل الشكر.

ابتسامة الصباح
11-13-2010, 09:03 PM
اذا في حدا بيقدر يساعد ارجو الاجابة السريعة انا عم افهم من حكي الطلاب انو في ناس عملوا مقابلة و في ناس لسا هاد بيعني و كانوا ما في موعد رسمي الها يعني مثلا الطالب يللي ما رح يقدر يروح بكرا عالمحاضرة الساعة4:00 الاحد 14 -11-2010 ممكن يعملها فورا بعد عطلة العيد الاحد 21-11-2010 واذا في غلط بحكي يا ريت حدا يصححلي. سؤال صغيرون عم ياخدوا التفقد بهي الحصة طرائق التدريس اذا حدا عندوا ادنى فكرة. ولكم جزيل الشكر.

بما انو التسجيل اتمدد لبعد العيد فبتوقع كمان الطلاب يلي ما عملوا مقابلات فاتوقع بعد العيد يعملوا
هلأ مثلا في طلاب مسافرين وما قدروا يجو ع المقابلة فأظن رح يعملوا بعد العيد ويسجلو

الحضور بمادة طرائق التدريس اجباري وفي تفقد للمادة

Bright Pearl
11-13-2010, 09:26 PM
اذا في حدا بيقدر يساعد ارجو الاجابة السريعة انا عم افهم من حكي الطلاب انو في ناس عملوا مقابلة و في ناس لسا هاد بيعني و كانوا ما في موعد رسمي الها يعني مثلا الطالب يللي ما رح يقدر يروح بكرا عالمحاضرة الساعة4:00 الاحد 14 -11-2010 ممكن يعملها فورا بعد عطلة العيد الاحد 21-11-2010 واذا في غلط بحكي يا ريت حدا يصححلي. سؤال صغيرون عم ياخدوا التفقد بهي الحصة طرائق التدريس اذا حدا عندوا ادنى فكرة. ولكم جزيل الشكر.


مافي مشكلة إذا ماعملتي المقابلة هلأ..فيكي تعمليها بعد العيد..وطبعا في محاضرة طرائق التدريس..
طبعا بياخدوا تفقد بهالمحاضرة وإذا صار أكتر من 3غيابات..مابيحقلك تقدمي المادة بآخر السنة..

Bright Pearl
11-13-2010, 09:27 PM
Bright Pearl
ياريت تعملي موضوع مفصل عن كل المواد متل ماوعدتينا من حيث الدراسة وكل الامور المتعلقة فيها
وشكرا الك سلف :others1:



تكرم عينك..مية طلب متل هالطلب ولو..
إن شاء الله رح أنزّل الموضوع قريباً.. :others1:

H.B
11-14-2010, 11:05 AM
:female2:thank you vereyyyyyyyyyyyyyyyyyyyyyyyyyyyyyy much الله يريحلكن بالكن متل ما ريحتولي بالي. بوسة كبيرة كتيييييييييييييييييييييييييييير للكل و خصصوصي ابتسامة الصباح و Bright Pearl و كل عام و انتو بالف الف خير.:others1:

نسر الشرق
11-14-2010, 10:09 PM
بكرا في دوام شي لانه عنا محاضرتين عملي ياريت حدا يقلنا وشكرا كتير الكن

Bright Pearl
11-14-2010, 10:59 PM
والله ياأخي..إذا رحت حضرت أفضل..هديك السنة دكتور تقنيات التعليم حط للغايبين غياب غير شكل بوقفات العيد بسبب كم طالب حبابين راحوا..:)

نسر الشرق
11-25-2010, 11:25 AM
شو صار بموضوع المواد؟؟؟؟؟
ياريت تنزليه لاني انا طالبة كيميا ومستصعبة دراسة المواد النظرية بدي مساعدة
وسؤال تاني: ايمت رح نعطل ..لاني اذا فحصنا بالشهر التاني ..وفحص طلاب التربية بالشهر الاول فما معقول نداوم اثناء فحصن ولاأنا غلطانة ..حابة استفسر عن هالموضوع
وياريت تنزلي موضوع المواد متل ماوعدتينا فيه بأقصى سرعة وشكرا الك

كارلا دين
11-26-2010, 04:55 PM
مسا الخير ...
بدي اسأل الانسة سهام بتقنيات التعليم طبعا طلبت انو نصمم لوحة وبريه عليها درس نحن نختاره
سمعت انو طلاب علم الاجتماع والتربيه بيختارو اي درس لحلقة اولى
يعني مثلا انا فيني اختار ادرس علوم او رياضيات ؟؟؟
وبعدين هالدرس يلي بدي اختارو خلص بدو يروح معي لأخر الفصل عم صمم عليه وسائل اخرى
يعني مثلا انا اخترت درس ما لنعتبر علوم هالدرس يلي بدي اختارو شرط انو نفسو اعملو وسيلة تانيه وقت تتطلب الانسه سهام .. يعني قالت مثلا انو نصمم لوحة شفافة شرط نفس الدرس اتقيد ولا ممكن غيرو ع كيفي
طبعا انا عم اسأل لأنه اذا كان نفس الدرس منشان اتقن انو ممكن هالدرس يتطبق ع كل الوسائل
يعني مثلا في دروس غير متوفره فيها صور ... وغير امور

مشكوره مره تانيه

Bright Pearl
11-26-2010, 09:31 PM
مسا الخير ...
بدي اسأل الانسة سهام بتقنيات التعليم طبعا طلبت انو نصمم لوحة وبريه عليها درس نحن نختاره
سمعت انو طلاب علم الاجتماع والتربيه بيختارو اي درس لحلقة اولى
يعني مثلا انا فيني اختار ادرس علوم او رياضيات ؟؟؟
وبعدين هالدرس يلي بدي اختارو خلص بدو يروح معي لأخر الفصل عم صمم عليه وسائل اخرى
يعني مثلا انا اخترت درس ما لنعتبر علوم هالدرس يلي بدي اختارو شرط انو نفسو اعملو وسيلة تانيه وقت تتطلب الانسه سهام .. يعني قالت مثلا انو نصمم لوحة شفافة شرط نفس الدرس اتقيد ولا ممكن غيرو ع كيفي
طبعا انا عم اسأل لأنه اذا كان نفس الدرس منشان اتقن انو ممكن هالدرس يتطبق ع كل الوسائل
يعني مثلا في دروس غير متوفره فيها صور ... وغير امور

مشكوره مره تانيه



مية هلا ..
أول شي..لازم تتأكدي إذا فعلا طلاب علم الاجتماع فيهن يختاروا أي مادة من مواد الحلقة الأولى..
تاني شي مشان الدرس..الأفضل هو إنك تختاري وحدة تعليمية كاملة..لأنو فعلا رح تطبقي كل الوظايف عليها نفسها بس بطرق مختلفة
هديك السنة كان في مرونة من الأستاذ خيرو وسامحنا باختيار غير دروس.. بس مابعرف إذا الآنسة سهام رح تكون بنفس المرونة..

knightofLight
11-26-2010, 10:44 PM
سؤال صغير miss Bright Pearl

طلاب الارشاد شو بيشتغلو بالعملي بيعطو دروس ولا بيشتغلو ضمن الارشاد الجماعي و الفردي ؟

نسر الشرق
11-27-2010, 09:10 AM
انسة برايت ماجاوبتي عسؤالي
ايمت رح نعطل ..لاني اذا فحصنا بالشهر التاني ..وفحص طلاب التربية بالشهر الاول فما معقول نداوم اثناء فحصن ولاأنا غلطانة ..حابة استفسر عن هالموضوع ولو انه بكير عليه
شكرا الك :)

Bright Pearl
11-27-2010, 12:03 PM
مين قلك مو معقول تداوموا بوقت امتحانن؟؟؟؟
لاتستبقي الأحداث.. التقويم الدراسي كل عام بيكون شكل..
بس صدر قرار الامتحان بيبين ايمتى رح تعطلوا..
ومية هلا

Bright Pearl
11-27-2010, 12:05 PM
طلاب الإرشاد بيشتغلوا مرشدين ... مابيعطوا دروس

sheply
11-30-2010, 02:56 PM
السلام عليكم

لو سمحت

أريد أن أسألك عن صدور قرار التخرج لطلاب الدبلوم \الدورة الإضافية \

وإذا كان بالإمكان إدراج أسماء المتخرجين ومعدلاتهم

وشكــــــــــــــــــــــــــــــراً

زورو
11-30-2010, 05:29 PM
انسة برايت ممكن سؤال ومساعدة
امتى موعد تسجيل الراسبين من الدوبلوم؟
وشكرا الك مقدما

أبوعمر
12-14-2010, 07:21 PM
بس أسأل عن موعد التسجيل للراسبين
و انتهى و لا لسا
و ألف شكر لــ
Bright Pearl (http://www.ed-uni.net/ed/member.php?u=9401) عالتغطية لقسم الدبلوم

رورو123
12-24-2010, 03:30 PM
لو سمحتوا بدي أسأل اذا نزل برنامج الامتحان لطلاب دبلوم التأهيل التربوي
وشكرا كتير